Popular Bible Verses from San Lucas 17

Share

Jayave jei cuimbae pe: —Epũa iyemboɨ jare ecua nerenta pe. Ndecuera ma, nderovia cheré ramo —jei.

Jare uyapo yave icavi mbae vae ndeve siete vese penti ara pe, jare jei yave ndeve siete vese jocua ara pe: ‘Ndarau ma ayavɨ ndecotɨ’, embɨasa chupe —jei.

Jare penti cuimbae ou ye ĩru cuimbae reta ipɨte güi jare iñeeãta reve jei: —Tumpa tuyembɨadoraca. Echa'ã uicuaa ucuera ma co imbaerasɨ güi. Jayave uyeatɨca Jesús jovai jare umee yasurupai chupe. Jae co Samaria pegua.

Piñemoa ngatu. Nderɨvɨ uyapo yave icavi mbae vae ndeve, embɨaracuaa. Jare jae ipɨatɨtɨ yave jeco re, embɨasa chupe —jei—.

Jayave Jesús jei: —Ambɨgüera diez cuimbae reta. Ẽrei nueve yugüeru'ã ye —jei—.

Jayave yandeYa jei chupe reta: —Aramoi pepurugüɨrovia michi ete penti mostaza jãɨcue michi-raɨ vae rami. Ẽrei jocua nunga mburugüɨrovia penoi yave, pepuereta pere cua ɨvɨra sicómoro jee vae pe: ‘Ecua cua güi epɨta ɨ guasu pe’, jare ɨvɨra uyapota pere vae —jei—.

Uipota uñuvatu jecove vae ndarau ipuere uñuvatu. Ẽrei jocua umeeta jecove vae uñuvatuta co —jei—.

Jayave Jesús jei jemimboe reta pe: —Jecuaeño yugüɨrecota upurumbɨavai vae reta. Ẽrei upurumbɨavai vae reta uiporarata co —jei—. Icavita tẽi co ĩru vae reta uñapɨ̃ti vaerã iyayu re penti ita tuicha vae umbaeso pɨpe vae, jare omombo vaerã ɨ guasu pe, agüɨye vaerã uyapoca tẽi mbaeyoa penti cheré güɨrovia vae pe —jei—.

Picuaa co quirãi ɨvɨ pegua reta uyapo icavi mbae vae Noé ico rambueve. Jae ramiño vi uyapota reta icavi mbae vae che cuimbaerã ayeyapo vae ayu ye yave —jei—. Echa'ã Noé ico rambueve, ɨvɨ pegua reta ucaruñoi jare ucauñoi yugüɨreco, jecuaeño cuimbae reta umenda cuñatai reta ndive jare tu reta umee tayɨ reta cuimbae reta pe umenda jae ndive vaerã. Ẽrei penti ara Noé uique jocua chalana guasu pe. Jayave ou ɨporu guasu jare opa uyuca reta —jei—.