Popular Bible Verses from يُوحَنَّا 16

Share

رَانِي ݣْلْتْ لِيكُمْ هَادْ الْأُمُورْ بَاشْ يْكُونْ عَنْدْكُمْ الْهْنَا فِيَّ. فْهَادْ الدّْنْيَا غَادِي تْكُونُو مّْحّْنِينْ، وَلَكِنْ تْشَجّْعُو. رَانِي غْلَبْتْ الدّْنْيَا».

وَلَكِنْ مْلِّي يْجِي رُوحْ الْحَقّْ، رَاهْ هُوَ اللِّي غَيْوَرِّيكُمْ الْحَقّْ كُلُّه، حِيتْ مَا غَيْتّْكَلّْمْشْ مْنْ رَاسُه وَلَكِنْ غَيْݣُولْ لِيكُمْ كُلّْ مَا غَيْسْمَعْ وْغَيْخَبّْرْكُمْ بْالْأُمُورْ اللِّي جَايَّة.

حْتَّى لْدَابَا مَا طْلَبْتُو حْتَّى حَاجَة بْالْإِسْمْ دْيَالِي. طْلْبُو وْغَتَاخْدُو، بَاشْ تْكْمَلْ الْفَرْحَة دْيَالْكُمْ».

وَلَكِنْ نْݣُولْ لِيكُمْ الْحَقّْ: رَاهْ خْيَرْ لِيكُمْ نْمْشِي، حِيتْ إِلَا مَا مْشِيتْشْ، مَا غَيْجِيكُمْشْ الْمُعِينْ. وَلَكِنْ إِلَا مْشِيتْ، غَنْصِيفْطُه لِيكُمْ. وْمْلِّي غَيْجِي، غَيْبَيّْنْ لْلنَّاسْ اللِّي فْالدّْنْيَا بْاللِّي كَانُو غَالْطِينْ مْنْ جِهْةْ الدّْنُوبْ، وْالتَّقْوَى، وْالْحُكْمْ دْيَالْ الرَّبّْ.

وْهَكَّا حْتَّى نْتُمَ، رَاكُمْ دَابَا مْقَلّْقِينْ بْزَّافْ، وَلَكِنْ مْلِّي غَنْعَاوْدْ نْشُوفْكُمْ، غَيْفْرَحْ قَلْبْكُمْ وْمَا غَيْقْدَرْ حَدّْ يْحَيّْدْ مْنّْكُمْ الْفَرْحَة دْيَالْكُمْ. وْفْدَاكْ النّْهَارْ مَا غَتْطْلْبُو مْنِّي حْتَّى حَاجَة. وْرَانِي نْݣُولْ لِيكُمْ الْحَقّْ: ݣَاعْ اللِّي كَتْطْلْبُوهْ مْنْ الْآبْ بْالْإِسْمْ دْيَالِي غَادِي يْعْطِيهْ لِيكُمْ.

نْݣُولْ لِيكُمْ الْحَقّْ: رَاكُمْ غَتْبْكِيوْ وْتْنْوّْحُو، أَمَّا نَاسْ الدّْنْيَا غَيْفَرْحُو. نْتُمَ غَتْحَزْنُو، وَلَكِنْ الْحُزْنْ دْيَالْكُمْ غَيْوَلِّي فَرْحَة.