Popular Bible Verses from ZLI VIRZI 17

Share

Bumbulvuŋ mibiga vu da Abrama, naɓa naŋ ti vi kukur ngoltir ngaŋ ngoltir, a ɓaŋ: «Buymisemuŋ misi gidaŋ wãˀ i ya. A rudigi a mbuŋ ɗu, cifi kaslsla.

Anta a sa zilukuw Abram mata, amma Abraham, asi i sa ga ɓa ki tiri dideˀ ngi sukwi ngi mizli haɗi

I sa ndir ti jumoˀay ɗu misi ati ka na, yo a dirba ɗike, i sa jumˀay ati dideˀ ɗikeye, hã avu dideˀ mukutur ti kutur, mukutur ti kutur hã ngi sete, ɓa i sa tiri Buymisemuŋ ɗik ati ngi dideˀ ɗikey a dirba ɗike.

«Jumoˀay ɗu ati ka ani: Ki sa tiri dideˀ ngi sukwi ngi mizli haɗi.

Buymisemuŋ a ɓaŋ: «Anta kanah ta wãˀ! Ngwas ɗik Sara a sa yuw mangal mizile, kisa caŋ slimiɗe Izak, i sa jumˀay ati naŋ, waɗ ati dideˀ naŋhay a dirba naŋ hã ngi sete.

Hirwuy mulak ka misi anga wurenna na, i sa vuluw di, a ndir da ka ati dideˀ ɗikey a dirba ɗike. Hirwuy Kanaˀan gar a sa ndir da taŋ ngi set, joˀ yi sa tiri Buymisemuŋ taŋ.»

Abraham a huruk huruk a ruwuy, dar a singir, a ɓi ti kwacay naŋ: «Na, mbur ngi vi skata, a yi mbri maka gawlay! Yo Sara, ngwas ngi vi kukur ngoltire, ɓa hã a yi maso!»

A dirba nah Buymisemuŋ a ɓa Abrahama: «Ki zila ngwas ɗike Saray mata, amma zle dana, a sa zilaka Sara.

I ci mizaw masa biga jumoˀay, ya ɓi micica ar wala ɗu ati kum.

Amma i sa jumoˀay ati Izak, Sara masa yuw di didirba li kahana na.»

Ziri mizilehey, kum miyaka taŋ le gar, hã avu dideˀ mukutur ti kutur nga mbuŋ, da a ndilaka le hin dangafaɗ na, a caka taŋ a mizaw, rak rak ati bekehey miyaka taŋ a hay ɗik, malla ka mihiɗika taŋ ti hiɗik, ko misi i dideˀ ɗikey ta gar. Beke miyaka cak a hay ɗik ati mihiɗika ti hiɗik gar na, a caka taŋ a mizaw, ɓa jumoˀay ɗu a bigi avu dumvu kumo ngi sete.