Popular Bible Verses from Geenesis 28

Share

Janiyacuajaari quiata quiyani. Tiquiyocua quia quiasacari, janiyacuajaari quia cojuariquianoni. Janiyari nio jiyajiniohua quia tacatoriquianohuaniuhuaj. Majaari cua cartenu quiniutianiya quiajaniya janiya cuaara quiara tohuatere seetanujuanaa cua sequesano quiajaniyajaatijiaj.

Jacobri jiyacari Pueyasojuanaa niquirii na shuriucua nujuaanojuhuaj. Naa na sequequiaari: —Janiyajanaacuajaari Camarnujuanaani. Quia jiyaso Abraham Pueyasotuhuaj, quia que Isaac Pueyasonio. Naacuatej, quiajaniya, quiocuajinio caneno pueyajaajanio, janiyari puetunu nio jiyajanaa nia niquitioriquianoni, nio jiya quiaa tii pojiyani.

Jacob jaara niucuaquiaariuhua naa na maquiyojonu nuhuajitij, naa tama noojiajiniajaaja niishiriojoriquiaari: “Pueyasoqui seetanujuanaa niya quiya janiya tii maqueyani. Majaari cua niishiniu quiriquiaaquinioj.”

Cuniquijiani, Jacobri naa sequequiaari seetanujuanaa Pueyasotej: —Pueyasonaa, quiaa jaara quiarijia cua cojiyare quia cojuanura janiya tee cua quiaacuajani, naajuhuaj, quiaa jaara cua niquitiore cua miaquesocoriquiano, cua cushishocoriquianojuhuaj, janiyari quia timitianutaniyani. Naajuhuaj, janiya jaara cua quiniutiaja cami tacatemohua cua que quiquiojiniohuarani, janiyari seetanujuanaa cua Camarnura quia jiyatenutaniyani, Pueyasonaa. Nio saajia niya cua nujuatesano juhua moriujiuni, nioori juhua quia tiaranojua, Pueyasonaa. Naacuatej, quiaa jaara cua niquitiore queraatia casaa, janiyari puetunu cuno cien casaajinijinio quia niquitioriquiano diez casaani.

Quiocuajinio caneno pueyari jiyanohua caneriquiano, juhua jiyojuaja serojosoo. Nojori canesacari, nojoriiri nio jiyajinia paaqueriquiano. Nojoriiri naa niyaquejoriquiano pananu tiuquishacora, pananu muetasamajinio; naajuhuaj, pananu muetasamaji miaquetajara, na muenecaranio. Puetunu mijiria quijiaca pueyajanaari quiataja cojiritiasaariquiano maninia miiniu quia seera, quiocuajinio caneno pueya seerajaajanio.

Tariucuacaanu cuniquini, tii quijiaari tiaca. Na sesaari naa quijiatej, “Luz.” Jacobri saniniuujia na jiyaniquiquiaari “Betel.” Nio sequeya “Pueyaso tia.”