Popular Bible Verses from JOHANNES 5

Share

“Oshilishili handi mu lombwele: Ou ta udu eendjovo dange, nota itavele ou a tuma nge, oku na omwenyo waalushe, ye ita ka tokolwa, ndelenee ye okwa dja mo mefyo, ndele e uya momwenyo.

Hano Jesus eshi e mu mona a nangala, ndele okwa shiiva, a ninga efimbo lile ta vele, okwa tya kuye: “Wa hala okuveluka?”

Nye tamu konakona momishangwa, osheshi omu shii nye omu na omwenyo waalushe mudo, ndele odo otadi hepaulula nge; ndelenee onye inamu hala okuuya kwaame, mu kale nomwenyo.

Jesus okwa tya kuye: “Fikama, kufa olutala loye u ende.” Ndele divadiva omulumenhu okwa veluka, ndele a kufa olutala laye ndele ta i. Ndelenee efiku olo la li Eshabata.

Ndele Jesus okwe va lombwela ndele ta ti: “Oshilishili handi mu lombwele: Omona iha dulu okuninga nande sha muye mwene, ndelenee oshosho ashike ta mono Xe te shi ningi; osheshi osho Xe te shi ningi, osho Omona te shi ningi yo.