Popular Bible Verses from मत्ती 10

Share

“देखओ, मए तुमके गुलहाके बीचमे भेंणा कता पठएहओं, जहेमारे तुम साँप कता चलाँक और कबुतर कता निर्दोष होबओ।

काहेकी जौन अपन प्राण बचानके इच्छा करत हए, बो येशूके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।”

जौन शरीरके मारडारत हए, पर प्राणके नाए मारपात हए, बिनसे मतडरओ; पर परमेश्वरसे डराबओ, जौन आत्मा और शरीर दोनएके नरकमे नाश करसकत हए।

और जौन मिर अनुसरण नाएकरैगो और मिर ताहीं क्रूस नाए उठाबैगो, और मरनके ताहीं तयार नाए होबैगो; बो मिर चेला बननके ताहीं मिर पिच्छु नाए लगपए हए।

“देखओ, जौन मोके आदमीनके अग्गु प्रभु करके स्वीकार करैगो, बोके मए, आदमीको लौंणा फिर स्वर्गमे मिर दौवा परमेश्वरके अग्गु मिर चेला हए, करके स्वीकार करंगो। पर अगर बे आदमीनके अग्गु मोके नाए चिन्त हएं कहेसे बिनके मए फिर स्वर्गमे होन बारो मिर दौवा परमेश्वरके अग्गु, ‘नाए चिन्त हओं,’ करके कएहओं।”

बिमारीनके अच्छो करओ, मरेभएके जिन्दा करओ, कोढ रोग लागे बारेन्के अच्छे करओ, और भुतनके निकारओ। तुम सेंतएमे पाएहओ, सेंतएमे देओ।

जहेमारे मत् डराबओ, तुम बेढम गरगओटासे बहुत मूल्यवान हओ।”

“जा मत् समझओ कि मए पृथ्वीमे आदमीनके बीचमे मेलमिलाप करनके आओ हओं, मए आदमीनके बीचमे मेलमिलाप नाए बल्कि लणाइ करबानके आओ हओं