Popular Bible Verses from Matiu 24

Share

Ḅẹ́ siiamịẹnyẹ dụḅa wásámabẹm go, tọghaapụ ḅẹlẹma mịnị kụrọbịgha. Kụ́ma sẹ kụrọ muu kunema láa ḅo dụaḅọ́rọ́ma nyánábẹm.

Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Ọmịnị ọ́mụ́ gboloma ḅẹ́rẹ́ naábẹm pịghị ọ́mụ́gbi ọwụ náa, kụ́ma omini ma si anị ḅáláfa dighi ọ pịrị ọkọfịnị nyẹ kiriakị nyánam, kụ́ma kunema ma na laagha.

Sẹ sághị anị jẹ́ sẹ na ọmụ́gbibẹm, amadakiri saghị anị jẹ́ amadakiri na ọmụ́gbibẹm. Ḅuruḅa ḅobẹm na pịghị tuminikiri jighe tọgha ngá ḅụ. Mịnanyẹ mamgba anịị tọ́rụ́siarị saghị, yii ọlọ ọ́rụ́ḅọ ḅara.

So na kiri ḅọ́rọ́sobẹm, kụ́ma ị́yẹ́ ẹ́gẹ́rẹ jẹ́ éné ḅọ́rọ́sobịgha.

Ḅẹẹ tọghaapụ ḅobẹm ị́yẹ́ ẹ́rẹ́ ḅụ, dughoarị ḅẹẹ, <Irị anị Krais ma,> sị pịghị oḅori pa tọghaapụ sịịbẹm.

<<Anịsáa nnị ọ saghị pịrịbẹm sị nnị ọ pa tọ́rụ́siarịma sị pịghị ọ ḅáa, sẹ gonyẹ́ gonyẹ́ pịghị ọ tarịgháapụ sọbẹm i sịbị gosi. Anịsáa ma ḅụ tọghaapụ minini ma wárịsóbẹm si jụghọ jụghọ dẹrịfị sị pịghị jụghọ jụghọ tarịbịgha. <<Tọgha epele ikiakoroapụ págháḅobẹm sị pịghị oḅori pa tọghaapụ sịbẹm.

Jizọs pagharam: <<Tọ́rụ́ kịsịma sị árị ḅẹẹ gbẹ́rẹ́ḅọ sọ oḅori pa ị sịgha.

Anịgo ịrịsọ tẹ́lẹ́ma nyána tegó Tumḅọ yii Tụwọ ma ḅobẹm ọ tọ́rụ́ pa ọ dighigha sáá.

<<Anịgosi ọ tọ́rụ́ kiima, tegó o nimigha ọmịna nyánáḅọ ḅoo ḅẹ́ éné.

<<Gbẹ́rẹ́ḅọ sọ éné ma anịgha énékịẹnyẹ ma nimigha, sobie fịnị sookumuapụ ma sọ nimigha, Tụwọ ma sọ nimigha, kụ́ma Daḅọ ma ngéré.

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Nuwa éné anị fịnị ḅara anịị anị pịghị fịnị bẹ ḅara Tumḅọ yii Tụwọ ma ḅo ḅẹ́ sáá. Opu mingi ma na ḅogha éné biri ma ḅụ túminị́ fị́ na ḅu ḅụ imi, túminị́ ẹ́rẹ́ yaarị pịghị ẹ́rẹ́ pa dee pịrịarị, akị muu Nuwa árụ́ ma ḅụlọ sáá láa; Nnị pịghị pághá bẹnyẹ nimigha akị muu opu mingi ma nnị kị́nị́mamgba kpọọrọ so. Anịị anị fịnị bẹ ḅara Tumḅọ yii Tụwọ ma ḅoo bẹ sáá.