Popular Bible Verses from Matiu 21

Share

Ọ ḅọ́rọ́ minini minini ọ binyẹ gonyẹ́ gonyẹ́ tẹ́ghẹ̄ ḅụ ọ nyánáḅobẹm.>>

Jizọs pagharam, <<A karakárányẹ ma dugho ọ pịrịm, ọ ḅọ́rọ́ minini nyáná sị tẹ́mẹ́ mmẹẹ́ mmẹẹ́ mịẹgha, mị fịgị sị ma la nyẹ ngéréghaa ọmịnị ine mịẹbẹnyẹ, kụ́ma ọ pịghị ine mị tụ́ndụ ma ḅẹbẹm, <So, ịḅụ pa tọ́rụ́ ma bie gbi anị pịghị ọkọ mịẹbẹm.>

Tórúku sọ ọ pịrị túminị́ kpo ma na pịghị ọ duarịapụ ma bieḅẹlẹ ḅụ ilúghuarị, <<Hozana fịnị Deviti Tụwọ pịrị! Nnị karịibimaḅọ anịị ori, Gbámásóḅọ ma ẹ́rẹ́ ḅụ ḅoarịḅọ! Sóghólóḅa so ma bie fịnị Tamuno túmíní!>>

Ọ warị nnị ḅẹẹ, <<Nnị gịẹkórómámam, tẹ́ghẹ̄ warị anị n pa i warị ma sị bẹnyẹ kụ́ma ọmịnị fúrúapụ ḅoghuḅoghu ngaa pa anị mịẹarị!>>

<<Dugho Jerusalemapụ pịrị, <Dighi ọmịna ámányánáḅọ ọ dámáḅoarị, ḅụ́sitéréma ḅara ḅụ pịghị nyẹ dighi dighi ásụ dọghụarị, owi nyẹ́ dighi dighi ásụ tụ́wọ ọgọnọ.> >>

Jizọs dugho n pịrịm, <<Jẹ́ sáá na ọ gogha Tọ́ndiri ma bie: << <Wárị námáapụ ma sịghị dapịrị ma anịị mị́sa wárị ma dighi sẹ́ma dapịrị; Gbámásóḅọ ma anịị mịma mịẹnyẹ, anị pịghị ḅụ́gbérépumam wámịna tọ́rụ́ ḅụ.>

<<Anịgosi a dugho ọ pịrịm ḅẹẹ Tamuno Ásẹ́mẹ́kiri ma nnị ọmịna ḅárabie anị ákịbẹm sị pa karakárá sịmgbọlụ sua bẹ túminị́ pịrịbẹm.