Popular Bible Verses from Matiu 13

Share

Kụ́ma ibikiri ḅụ sóórókoro sịmgbọ́lụ ma anịị oku ma naapụ sị anị akanyaḅo: sịmgbọ́lụ sua, jẹa nyẹ sọ́nọ́ a si kiri, jẹa nyẹ tẹ́rẹ́ si kiri, jẹa nyẹ sue kiri.>>

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Asọogbo sóórókoro sịmgbọ́lụ ma sẹ́pịrịnyẹ anịị ásẹ́mẹ́kiri ma ibi oku naapụ, kụma akanyaḅogha, sii tumḅọ ma warị ḅoo nna tẹ́mẹ́bie n dipi sịmgbọ́lụ ma pughọakị.

Kpókpókiri ḅụ sóórókoro sịmgbọ́lụ ma anịị bieḅẹlẹ pa oku ma daakịapụ nnị anị náa gbẹ́rẹ́kirikiri. Kụ́ma anị nna bie kune nyanagha, kálá sáá ngéré anịị anị pa fịnịarị nyẹ. Ḅụḅáláḅálá anịgha tọ́rụ́siarị ḅomaẹrẹ oku ma gosi, n ḅọ anị gbẹ́rẹ́kirikiri bịghị korom.

<<Sọ ásẹ́mẹ́kiri ma anị fịnị ḅara sọ ḅọ́rọ́ nnị pa duakiri ḅụ ḅọghu warị ngọ, gbẹ́rẹ́ owitụ́wọ anị dọghụ pághámaḅo sáá, ọ sima anị pa ḅọghum, anịsáa ori bieḅẹlẹ ḅụ muu ọ nyánányẹ mamgba dẹrị sị anị duakiri ma fẹ́.

Jẹa nyẹ pa ibikiri ḅụ sóóró kóróm, anị sọ́nọ́ a si kiri, tẹ́rẹ́ a si kiri anịgha sue kiri sua pághámaḅo ngaa n dipi nyẹ gonyẹ́ gonyẹ́ ḅụ.

Wáriso nnị mmẹapụ ma sẹ́nị págháḅo gbẹ́rẹ́ sáá akị muu duasughu sáá ma láa. Anịsáa ma ḅụ a dugho dua sughuapụ ma pịrịbẹm; parị owi osuka ma ikolokolo ḅo sị nkáká púghú púghú ḅụ sị nnị n dọ́ghụ́ma bẹ ḅara; anịsáa witi, ọrọsị kịka sịmgbọlụ ma kobiri sị anị akuoo ị́yẹ́ dua ḅụ n sughu nyẹ koko koko angaá.> >>