Popular Bible Verses from متّی 14

Share

پر جیہڑے ویلے ہوا دا زور ڈِٹھا تاں ڈر گِیا تے جِیں ویلے او بُڈݨ لگا تاں چیخ تے آکھیا، ”مالک! میکُوں بچاؤ۔“ یسُوع فوراً ہتھ ودھا تے اُونکُوں پکڑ گِھدا تے آکھیا، ”کمزور اِیمان آلے! تَیں کیوں شک کیتے؟“

پر جیہڑے ویلے ہوا دا زور ڈِٹھا تاں ڈر گِیا تے جِیں ویلے او بُڈݨ لگا تاں چیخ تے آکھیا، ”مالک! میکُوں بچاؤ۔“

پر یسُوع اُنہاں کُوں فوراً آکھیا، ”حوصلہ رکھو۔ مَیں ہاں۔ ڈرو نہ۔“

پطرس اُونکُوں جواب ءچ آکھیا، ”مالک! جے تُساں ہیوے تاں میکُوں حُکم ڈیؤ جو مَیں پانڑی اُتے ٹُر تے تُہاڈے کولھ آواں۔“ اُوں آکھیا، ”آ۔“ وَل پطرس کشتی کنُوں لہہ تے پانڑی اُتے ٹُردے ٹُردے یسُوع دو گِیا

وَل جیہڑے لوک کشتی ءچ ہَن اُنہاں اُونکُوں سجدہ کر تے آکھیا، ”یقیناً تُساں خُدا دے پوتر ہیوے۔“

یسُوع آکھیا، ”اِنہاں دا ونجنڑ ضروری نئیں، تُساں ای اِنہاں کُوں کھاوݨ کیتے ڈیؤ۔“ اُنہاں جواب ڈِتا، ”اِتھاں ساڈے کولھ صرف پنج روٹیاں تے ڈُو مچھیاں ہِن۔“

اُوں آکھیا، ”اُنہاں کُوں میڈے کولھ گِھن آؤ۔“ تے اُوں لوکاں کُوں گھاہ اُتے بَہوݨ دا حُکم ڈِتا۔ وَل پنج روٹیاں تے ڈُو مچھیاں گِھدیاں تے اسمان دو ڈیکھ تے برکت ڈِتی، تے روٹیاں تروڑ تے شاگرداں کُوں ڈِتیاں تے شاگرداں لوکاں کُوں۔

سبھ لوکاں رَج تے کھادا تے اُنہاں بچے ہوئے ٹُکڑیاں کنُوں بارہاں ٹوکریاں چاتیاں۔