न्हुअ्सो हेरोदकोता घुरितेङ मान्हेसु दोअ्का सोपोन्दाता चेतानि निङतेङ एम्बालाइ भेनेङ दामा जेङतेङ ताइको मुलुकता घुरिहि।
दर्सिगेलाइ हानेकान्हुसो, परमप्रभुको एलोङ सादेलचर सोपोन्दाता योसेफकोता देखाल पिहि रो इङको एसा दोअ्हि, “ल्हो, आतुइका जामाल रो वाको आमाइहेङ दोसा चुमतेङ मिस्रमुलुकता खाअ् रो नासेहेङ का मादोअ्पाधाउ इन्ताङ हि। हाइपानु, हेरोद जामालहेङ सेअ्लि भोलि तेङका हि।”