Popular Bible Verses from Matiusu 25

Share

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

De ai dutu woihene ai demoika gea de duru widosanangi ai duduhunika ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

Angamoi onagona dika abe o tagongo moi tahidoakoka de gea manga tagongo yao irahai hiadono yamake ma utumu genangino abe ihihiutumu ngohino, onangika gea ka utuohi ilamoko ma utumu tohidogo. Masara nako o nyawa abe tahitagongoka moi onangika ma gea yao ko irahaiua hiadono ko kia-kiaua ma utumu yamake genangino, gea ma titi ngohioo ko tamakeua ma utumu onangino. Ho mangale ma titi ko tamakeua ma utumu onangoka, gea ahao tagoraka onangino ma tagongo abe ihira-hira tahidoakoka. Abe ngaro ma hohutulu dika manga tagongo, ma gea tagoraka onangino.’”

De ai ade-ade gea wabooto de o Yesusu wotemo wato, “De hokogea tohiketero la ahi ade-adeino gea de tinihitiari la ngini ka ihikaika nimahidiaioka, angamoi ngini duru ko nihiorikua ahi gahe muruonoka eko o takoro muruono de Ngohi toboali.”

‘De ngini tiniahokino la niamake nia hiowa mangale ma dihiraino de Ngohi ihihafini de ngini nihihiolomo. De ma oraha ahi ngomaha yodudungu de ngini nihihiokere Ngohino. De abe ma oraha Ngohi o homoaino toboa nia tauino de ngini nihidafongo.

De ai dutu woihene ai demoika gea de duru wosanangi ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

De ma oraha abe ahi kiahonanga ikuranga ahi badangoka de ngini nihihidoaka o baju Ngohino. De nagali abe ihigogama de ngini nihilega-lega, de abe Ngohi ihibuioka o bui ma tauoka de ngini niboa nihitu-tutumu.’”