Popular Bible Verses from Yohanes 19

Share

Laihihipi-Napi Yesus ue anggur to naonco ee, iuli-Nami iwei, “Nahudumi!” Napu ee, nopatungkami pade laipopewai-Nami inoha-Na hi Alatala.

Ncani-Nami Yesus ane humaweena nahudumi. Pade bona rapaganaimi napa to laitulihi rara Buku to Nagaha, iuli-Nami iwei, “Nabai wuu-Ku.”

Pampahilo-Na Yesus tina-Na pade ana guru-Na to laipotowe-Na nokangkore i hee, iulika-Nami tina-Na iwei, “Ina, eimi anamu.” Iulika-Na mui ana guru-Na ee iwei, “Eimi tinamu.” Lako i heemi ana guru-Na ee nantarima tina Yesus mo'oha i houna.

Karatara hi Yesus, laihilora namatemi. Aji momami laipuira paa-Na. Naupawee hadua tantara notohu ompeha Yesus hante tawala, hampena nehuwu raa pade ue lako ompeha Yesus.

Lauria nadupa bona rapaganaimi napa to laitulihi rara Buku to Nagaha iwei, “Moma maria hangua wuku-Na to rapakapui.” Rara Buku to Nagaha mui laitulihi iwei, “Hira mei mampahilo-'I to laitohura hante tawala.”

Yesus moto to nopahaa salib-Na nehuwu lako ngata ee rau i hangu bulu to laikahangai Pobolia Banga Woo. Rara baha Ibrani, laikahangai Golgota.

Tantara-tantara nobabei tali patoko lako dunumpu rui pade laibolira i woo Yesus. Napu ee laipakekara mui-'I waru to naungu