Popular Bible Verses from लूका 3

Share

जब सगलू मनसे बतिस्मा लेथै, ता यीसु बतिस्मा लेथै अउ जब यीसु बिनती करथै तबै बादर उघर जथै। अउ पवितर आतमा अक्ठी परेवा के देह धारन करके ओखर हे तरी उतरथै अउ बादर लग आरो सुनाई देथै, कि “तै मोर पिरिया टोरवा हबस, मै तोर लग बोहत मगन हव।”

इहैनिता यूहन्ना उन सब लग कथै, “मै तो तुमही पानी लग बतिस्मा देथो पय अक्ठी आमै बाले हबै, जउन मोर लग बोहत सक्तिसाली हबै मै तो ओखर बूट के डोरा के गांठी छोरै के काबिल नेहको हबो, ऊ तुमके पवितर आतमा अउ आगी लग बतिस्मा देही।

सच्चे मन बदलै के परमाड देया अउ अपन मन हे हइ झइ कहा कि हम अब्राहम कर लरका हबन, मै तुम्हर लग कथो, भगवान हइ पथरन लग अब्राहम के निता लरका पइदा कर सकथै।

रूख के जर हे टंगिया रखे जाय चुके हबै, जउन रूख निक्खा फडुहा नेहको देथै, ओही खपलही अउ आगी के भट्ठा हे डार दय जही।”

जसना यसायाह ग्यानी मनसे के, किताब हे लिखररे हबै, पतेरा हे गोहरामै बाले के सब्द सुनाई देथै, कि परभु के गली सिध्धा तइयार कर, अउ ओखर सगलू डहर साम्हू कर। सगलू घटिया भर दय जही, अउ सगलू डोंगर अउ डोंगरी तरी करे जही, टेढवा गली सिध्धा, अउ ऊंच नीच रास्ता समथल करे जही। अउ सगलू जीव भगवान के मुकति के देखहिन।