Popular Bible Verses from Марқа 9

Share

Иса оған: -«Егер шамаң келсе», -деп сен ғана айтып тұрсың. Сенетін адамға бәрі де мүмкін, - деді.

Сол сәтте баланың әкесі: -Мен сенемін! Сенімсіз болсам, маған көмектесші, - деп айғай салды.

Кейінірек Иса үйге кірген кезде, Оның шәкірттері жеке жерде: -Біз неге оны қуып шығара алмадық? -деп сұрады. Иса оларға: -Рухтың осы түрі тек мінәжат пен ораза арқылы ғана қуып шығарылады, - деді.

Тұздың болғаны жақсы. Егер тұздан дәм кетсе, оның дәмін немен келтіруге болады? Сондықтан өздерің сол тұз сияқты болыңдар, өзара тату -тәтті өмір сүріңдер, -деді Иса.

-Кім осындай балалардың біреуін Менің атымнан қабылдайтын болса, ол Мені де қабылдайды, ал кім Мені қабылдаса, тек Мені ғана емес, Мені Жібергенді де қабылдағаны, - деді.

Сондықтан кімде-кім сендерді Мәсіхтің ізбасарлары (шәкірттері) болғандарың үшін сендерге бір тостаған су беретін болса, сендерге шындықты айтайын, ол алатын сыйын еш жоғалтпайды.

Егер кімде-кім Маған сеніп жүрген осы бір кішкентайлардың біреуін күнәға азғыратын болса, онда оның мойнына диірменнің тасы байланып, теңіздің түбіне тасталғаны ол үшін жақсы болар еді.

Егер сенің көзің сені азғыратын болса, онда оны ойып алып таста. Екі көзіңмен тозақтың мәңгілік азабына тасталғаныңнан гөрі, сенің бір көзіңмен Құдайдың Патшалығына кіргенің саған жақсы болар еді