Popular Bible Verses from GÉNESIS 2

Share

Chaimandami jarica, paipaj taitata, paipaj mamata saquishpa, paipaj huarmihuan tandanajushpa, shujlla aicha tucushpa causanga.

Chai jipami, Mandaj Taita Diosca cashna nirca: “Jarica, pailla causanaca na alichu. Paita yanapashpa aliguta causachun, shuj cumbata rurasha” nircami.

Shinamandami, Mandaj Taita Diosca, runataca ñutu alpamanda rurarca. Chai runapaj singapi fucushpami, causaita charij samaita curca. Chaimandapachami runaca, causaita callarirca.

Chaimandami Adanga, cashna nirca: “Cunangarimbash, paica ñuca tullumanda rurashca, ñuca tullullatami. Ñuca aichamanda rurashca, ñuca aichallatami. Paica, jarimanda llujchishca cashpami, Huarmi shutita charinga”. nircami.

Chai canchis punllatami, Taita Diosca bendiciashpa Paipajlla cachun shicanyachirca. Tucuita rurashpa callarichishcamanda, chai punllapi samashpami, chashna shicanyachirca.

Adanbash, paipaj huarmipash, ishcandi lluchullacunami carca. Chashna cashpapash, na pingai tucunajurcachu.