حضرت عیسیٰ مسیح، خُدے لدامّا زادکھانّی مسیح ٹھونگ تشول نی ایزوگی جُونگستے اِنپین، کھونگی اما حضرت مریم حضرت یُوسفؔ نیامپو ناما چوچیسلا کھاچھامستے اِنپین۔ اِین نانگ کھونگون دزومستے نیامپو دوگی سانگ سنگونلا ہلژخمہ رُوح بوے حضرت مریم سکیچیسماجیک گیور چُوگس۔ کھو ناما ٹیکھان حضرت یُوسفؔ ، می ٹانگپوجیک اینپا، حضرت مریم میگونّی لدُونلا ٹھیلبا چھا میچوگ سامستے، کھورانگی سامبے نانّگا حضرت مریم نیامپو ناما میچو سامستے تھاگچادس۔