Popular Bible Verses from Luke 8

Share

Mburu ya yeeva kanca ncie yeemve, mva baari ba baayuga mbari a Njyami bila eyaligi e jaa jaa. Bo akieli yo, ŋaa bo abagi mburu yeemve.»

Mburu ya yeeva kanca a ncyene, mva baari ba baayuga mbari a Njyami, ŋa ampasi, ŋa kabaga bila kase kayila ncie, eso eyiniŋi bo. Ŋaa bo abagi mburu yeemve.

Ŋaa baari baamon mva mburu yeevi kayila ncie ye akele. Baa eli ntini ye eyuga bo mbari a Njyami, bo ayaligi ŋa kase. Ŋaa bo ekaŋa kali, kayalaga ka bo keeka biga ŋi. Ŋaa ntini yeemono bo ampasi, bo avi.

Ŋaa nde ŋa alwoni a nde ndi: «Tari le be alo?» Kamaaŋi kasi bo, ŋa ekoli bo, bo yiga ba lyele nca mpanaŋa bo ndi: «Nde wu na, we a lyele bila pyebi ŋa anja, ŋa jo enyimi nde?»

Baari baamon mva mburu yeevi kayila njila. Ba baayuga mbari a Njyami, ŋaa Satan yi ciezi mbari yia ma etuma ebo. Mabu ndi ncanke bo ayaligi, ŋaa bo avwugi.

Okorogo kalogo ka ba alonoŋo baari baamono. Kabaasa ma ayizigi vuzu oca amoni ko.

Okaazi wua kamono ndi amibanaŋa nde, nde yiga aya ma katerege ŋaa nde vi ka ncina miili e Zezi, ŋa nde cwugi ka miizi a baari ma kalyele kabila ka aciili nde Zezi, ŋa lemigi le wuumi nde, kancinci ŋa. Zezi ŋa nde ndi: «Kaazi, tari le we le mi vuzuga we, je bila kadusu.»

Alwoni a Zezi aciini mpaana nde, ŋaa bo anyusi nde, bo ndi: «Mfumu, mfumu, bizi a be lekwi!» Zezi kanyuzuga, nde wobi bila nkeri ŋa piebi bila epugu ba anja beenini. Ŋaa pyebi bila epugu ba anja yiga asugi.