Popular Bible Verses from Matius 19

Share

Tarus, Antua nganga dong la bilang, “Memang manusia seng bisa kasi salamat dia pung diri sandiri, mar Allah bisa, tagal Antua bisa biking apa sa.”

Jadi dong bukang dua lai, mar satu. Tagal itu, kalo Allah su biking dong dua jadi satu, jang paskali ada orang yang kasi pisa dong.”

Antua jawab dong kata, “Kamong su baca ini dalang Allah pung Tulisang to? Dari dolo, waktu Antua biking manusia, Antua biking laki-laki deng parampuang deng bilang, ‘Tagal itu laki-laki nanti kasi tinggal dia pung mama-papa la jadi satu deng dia pung bini biar dong dua jadi satu.’

Mar Antua bilang par Antua pung murid-murid tu kata, “Kasi biar anana kacil tu datang par Beta! Jang pele-pele dong, tagal orang-orang yang macang dong tu yang jadi Allah pung orang-orang waktu Antua pegang parenta jadi Raja.”

Mar banya dari orang basar nanti jadi orang kacil, la banya dari orang kacil nanti jadi orang basar.”

Deng sapa sa yang kasi tinggal dia pung ruma, ka dia pung sudara laki-laki ka sudara parampuang, ka dia pung mama-papa, ka dia pung anana, ka dia pung kabong, tagal iko Beta, dia nanti tarima saratus kali labe banya dari yang dia kasi tinggal deng dia jua nanti hidop tarus-tarus deng Allah.

Tarus Antua bilang par dia, “Kalo ale batul-batul mau hidop tarus-tarus deng Allah di sorga, pi jual ale pung harta samua la bage akang pung kepeng par orang-orang kasiang. Kalo ale biking bagitu, ale nanti dapa harta di sorga. Abis itu, datang kamari la iko Beta.”

La Yesus bilang par dia kata, “Mangapa kong ale tanya Beta soal apa yang bae? Cuma ada Satu yang bae. Mar kalo ale mau hidop tarus-tarus deng Antua, ale musti iko Antua pung parenta-parenta.”

Beta ulang sakali lai! Masi labe gampang onta saekor maso lobang jarong dari orang kaya jadi Allah pung orang biar Antua bisa pegang parenta jadi Raja par dia.”

Dengar Beta bilang par kamong: Kalo bini maeng serong, dia pung laki bisa cere dia. Kalo bini seng maeng serong, mar dia pung laki tu cere dia la kaweng deng parampuang laeng, itu laki tu su maeng serong.”

La Yesus bilang par Antua pung murid-murid kata, “Dengar bae-bae tagal apa yang Beta bilang ni batul! Orang kaya paleng susa jadi Allah pung orang-orang biar Antua pegang parenta jadi Raja par dong.