Popular Bible Verses from Matius 15

Share

Mar apa yang kaluar dari orang pung mulu, akang asal dari hati. Itu yang biking orang kotor. Barang dari hati muncul sagala macang pikirang jahat. Itu yang biking orang bunu orang, maeng serong, tidor deng orang yang bukang dia pung laki ka bini, pancuri, jadi saksi parlente, deng hojat orang.

“Dengar la mangarti apa yang Beta mau bilang ni! Apa yang maso ka dalang orang pung mulu, itu seng biking dia kotor. Mar, apa yang kaluar dari dia pung mulu, itu yang biking dia kotor.”

‘Orang-orang ni, dong puji-puji Beta cuma di mulu sa, mar dong pung hati jau dari Beta. Parcuma sa dong somba Beta, tagal dong seng ajar orang par iko Beta pung atorang mar iko manusia pung atorang.’ ”

La Antua bilang par dia kata, “Mama e, mama paleng parcaya Beta. Tagal itu, apa yang mama minta tu su jadi.” Oras itu jua, dia pung ana tu bae.

Mar parampuang tu datang tikang lutu di muka Antua la bilang kata, “Sio Bapa e, tolong beta jua!” Mar Antua bilang par dia kata, “Seng pantas ambe anana pung makanang la lempar akang par anjing.” Dia bilang par Antua, “Batul Bapa. Mar anjing-anjing di bawa meja jua makang ampas-ampas makanang yang jatu dari akang pung tuang pung meja.”