Popular Bible Verses from Genesis 9

Share

Nu Ndjambi wa tja: “Otjiraisiro tjomerikutiropamwe omakarerere, ngu me twa pokati kandje na eṋe novinamuinyo avihe, otjo hi: Me twa po outa wandje wombura movikamba; ihi matji rire otjiraisiro tjomerikutiropamwe wandje nouye.

Outa wombura tji wa kurama movikamba, nami e u munu, me rizemburuka nomerikutiropamwe waaruhe nga pokati kandje novandu novinamuinyo avihe kombanda yehi.”

Ngu ma tirahi ombinḓu yomundu, ombinḓu ye mai tirahiwa i omundu. Orondu omundu wa ungurwa kosaneno ya Ndjambi.

Nu Ndjambi wa sera ondaya ku Noa novazandu ve na tja ku wo: “Kwatasaneye nu takavareye, mu urise indi ehi!

Avihe, mbi nyinganyinga, na imbi mbi nomuinyo mavi rire oviparure vyeṋu; otja tji mbe mu pa ovihape, opunga ame mu pe avihe mbi wina.

Ovipuka avihe vyokombanda yehi, ozonḓera azehe zeyuru, noupuka auhe mbu nyangatara pehi, nozohi azehe wina mavi mu tira nokuuruma. Avihe mbi, ami mevitwa kehi youvara weṋu.

“Nungwari eṋe kwatasaneye nu takavareye, nyangatareye, kombanda yehi, nu mu honapare mu ro.”