Popular Bible Verses from Yohane 10

Share

Mullupaawiiya anawa wi iiye, iiphe ni woononga. Koma kaawa wi ddikhalle ni okumi wawaata.

“Mi tti mbusa aphaama, oyo anapaalla okhwa ekaamba ya enkhosa.

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka.

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Ddeko nnddo Attiitthaaka ekivahilliiwa tti dduullupalli okhwaranya ddeko ddittheddene. Nave khaavo muthu anaawore waakha ddennddo ovenyera mu nnatta na Attiitthaaka. Miyaano ni Attiitthaaka niri amodda.”

Emoddamoddave yeeyo Attiitthaaka ennakidduwella nave miyaano kinnaadduwella. Nave kinnapaalla okhwa ekaamba ya enkhosa.

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Nave mullupa mutteko oyo ahiri mbusa navettho oyo ahiri mwaneena a enkhosannddo, oona enama yawoopiha ewaaka annahiya enkhosannddo athawa. Sika enama yawoopiheeyo ennaphara enkhosannddo ni oddipallallesa.

Yesu aallota wi, “Ddawoona, kinimuulleellani wi, muthu ahinavollowella va mullako wa nikholla na enkhosa koma anawellella vamodda vene, yooyo tti mullupaawiiya ni awaakha.