Popular Bible Verses from LUKA 21

Share

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Kuungá' bara qiqtlatliindé', a ba/aandá'.»

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Doori nee yaamu i waarahhiyá', ala axweesante'eé' i baloó waarahhká.»

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin. Muu iri ló'wa slar/amiit daeero, tari amoqwaqwadín, as adoodá' yaamu i laqiya'. Asma qoomaadae doori i dingitiyá'. Aluuwo Garmoó Hee kuri ar niwa hardihi ar /uuruuwós nee xirfuú yaariír.

Kuungá' tundu aahh nee muu sleémeero as aníng.

Kunseeloó yaariír ni ti'iit baraá yaamuwo. Nee baraá yaamaá dimbadimbehe giyeé ni tleér, nee tiqtír pu/i ni hardát. Muruú dae tlaáq i tleehharuut nee tlehhema'aá waa/oo/amo, awa gawaá dooraá dahhá' i aandá'.

Qoomár kuungá' kángw slaqwara nee gila bura axasé', ma da'ayuutara', asma tí niqo geerií hardát, ala alhhe'eesaay ni gaanslár hardihiiká.» Aluuwo giri báy, «Xooro i slaqwarár eér amór xoororqá', nee waawuti'iima i slaqwarár eér amór waawuti'iimár hatlá'.

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin. Muu iri ló'wa slar/amiit daeero, tari amoqwaqwadín, as adoodá' yaamu i laqiya'. Asma qoomaadae doori i dingitiyá'.

Aluuwo giri báy, «Xooro i slaqwarár eér amór xoororqá', nee waawuti'iima i slaqwarár eér amór waawuti'iimár hatlá'.

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.