Popular Bible Verses from Mata 24

Share

N̰aal mbo kaɗ gḛḛ ge go nda gḛḛ mbo haɗ eyalam ge laa wanna ge maa way ma zì. Ɗaŋɗe, ndu ge mbo wan tene deŋel ya ɗiŋ mbo wa aaya yà, mbo seɗ monna.

Àa mbo oy Fare ge Kwaɗa ge muluk ge Dok ne mbe ge dunin̰a zì mɔɗwag, ndwa go ne kaa kaŋ sayda ge rusu ge ɗogle ma ta peɗ. Guwa̰ go, dwam pe aaya wa mbo ya.

Ḛ mbo kaɗ-ɗa za̰a̰ twam mballa ma ge ḛ tɔgwa, ḛ ka za̰a̰ kṵwa̰ ge twam mballa ma way, ge sok kaal yà ge ma, ḛ iigi ta to. A ngaɗ go, kaŋ mbe ma dee ya keeya, ɗaŋɗe, a be dunin̰a pe aaya gale ne to.

Ago, suwal ma mbo ka mbal ta ta buwal zì, muluk ma mbo ɗege ho̰o̰l ta ta buwal zì waɗme. Ge sok a̰me ma go, camal baktar ma mbo ka deɗ-ɗa, suwa mbo ka ndaɗɗa me. Kaŋ mbe ma mbo kaɗ dinna ge yal ge twàl ne deɗ ndu gwale go.

Pḭḭ mage suwa mbo kaɗ to, ɗaŋɗe, mbi fare janna ma mbo kaɗ ɗiŋ ge din.

Ago nda gḛḛ mbo hee mbi dḭḭl, àa ka janna go: A mbi Krist, ndu ge Dok taa nee ne, àa mbo ee nda gḛḛ n̰aameya.

Sok mbe go, nda duwana ma mbo kee ḛ yal, àa ka hun ḛ me. Rusu ge ɗogle ma peɗ mbo kuri ḛ gezi, ge mbi pe. Ano mbe ma mbo kaɗ kaŋ ee nda n̰a vin̰a hoɗ fareba gezi, àa ee fare ta pagal, àa kuri ta gezi. Nda ge ḛ buwal zige ma gḛḛ mbo kee ta nda ge zwagre Dok wa ma, àa mbo n̰aame nda gḛḛ me.

Zeso gwan jan num go: Ḛ koy ta kwaɗa, ne kaa ge ndu a̰me n̰aame ḛ to.

A ge pe no, ḛ sḛ ma waɗme, ḛ kaa jejew. Ago Van ge Ndu ne, mbo mbo ya ge ler ge ḛ dwaɗ ge ne pagal to go.

Ajo̰o̰ ḛ kuwa dwam gwanna ge ḛ Bagezok ne ya to ɗe, ɓyare go ḛ kaa jejew.

Kaɗɗa ge fare ge dwam mage ler ne ɗe, ndu a̰me ɗu ge kuwa num to. Koo malayka ge Dok ne ma, koo Mbi sḛ ge Dok teme mbi ya puy, mbi kuwa ne to. Ɗaŋɗe, a Dok ge mbi Ba ɗu ɗeŋew kuwa nee ne.

Ago, nda ge kee ta krist ma ɓanna ge nda ge kee ta nda ge zwagre Dok wa go ma mbo mbo ya. Àa mbo kee kaŋ ngayya ge ga̰a̰l ma, ge kaŋ haŋle ma keeya ge go ee nda ge Dok taa num ma n̰aameya.

Gwanna ge Van ge Ndu ne ya, mbo kaɗ dinna ca ge kaŋ ge kê ge dwam ge Nowe ne ma yà go. Ago, ge dwam ge mam yḛḛreya ne ma ndwa zḛḛ, nda duwana ma ka zamma, àa ka njoɗɗa, àa ka kaɗ zok, àa ka san maa van ge soɗob ma gwale, àa ka hon ge gwale ma zok kàɗɗa ɗiŋ ge go dwam ge Nowe waɗ ge faa ga̰a̰l zì mbe dee ya. Nda duwana ma be ka pee ta ge fare a̰me pagal to, ɗiŋ ge go mam yḛḛreya dee ya, ne puu kaŋ ge on̰ ma gezi peɗ. Sok ge Van ge Ndu ne gwanna ya mbo kaɗ dinna ca ge ne dwam mbe go.