Popular Bible Verses from Lúkási 9

Share

Yɛɛ́so á zéŋ ndé á mbū epuɔ metsem ŋ́gɛ: «Ŋiŋ a nɔŋ ŋkɔ̄ŋɔ á letsē á nzem meŋ, á tshi á yí á lelhʉ athū zí yí méŋwɛ̄t nnéŋ, ḿvéŋ á lekʉɛ á mbaŋne paŋné yi eleʼé metsem, ḿbīʼ, ńdɔk ŋgɔ́ á nzem meŋ.

Ŋiŋ a nɔŋ ŋkɔ̄ŋɔ á lepīp athū nnɛ̄t zí, ḿbɔ́kɔ á lewhʉ̄, mbɔ a a láʼ ekwhʉ́, épíi. Ŋiŋ a piŋɛ ŋgwáʼ athū nnɛ̄t zí melaʼ má, mbɔ a a láʼ egɔ́ éwú.

Yɛɛ́so á pwɛt á mbū yí ŋ́gɛ: «Ŋiŋ a kʉɛ ashū, ńnɔŋ ŋgɔ̄ á ŋghʉɛ̄ afaʼ, ḿbiŋ te athū zí éwú nnéŋ, mbɔ a ka kūʼ á leghʉ afaʼ ánɛ Lefɔ Ndém ɛ́. »

Ŋiŋ a púu ŋgwɛ̄ lewūʼ ŋgɔŋ ntsem, á ndo esī atsetsáʼ, ḿbīŋ ŋkwhʉ́ ḿbí ndaʼ, mbɔ a á jhʉ́ apɛ akɔ̄?

Ŋiŋ a nɔŋ ŋkúu esē á legɔ̄ ŋiŋ nnɔ ga, ńnɔ̄ŋ ŋkúu esē á lekūʼte ashuŋne zá, mbɔ Méŋ‑Ŋiŋnɔŋ wuɔ, a a láʼ epuŋne á yí afʉʼ zīi, a láʼa mbīŋɛ nzem á ntē shʉ́shɔ́k yí, ŋ́gɔ́ eyi Mɔʼɔ́ yi pɔ́ a mecɔʼ pí.

Yɛɛ́so á pwɛt á mbū yí ŋ́gɛ: «Membapndo é wɛɛ̄ membhʉ̄ mɔ́p. Meséŋ é wɛ meŋka mɔ́p. Táʼ, Méŋ‑Ŋiŋnɔŋ wuɔ á piŋ te wɛ̄ azí ajʉʼ zīi, a gɔ enáŋ éwú ú. »

Á lé á mbū pɔ́p ŋ́gɛ: «Ŋiŋ a ŋkóknɛ á méŋ agáʼ mɔ́ wuɔ melaʼ má, mbɔ a lɔkɔ ŋkóknɛ áa gá. Ŋiŋ a piŋɛ ŋkókne á gá, mbɔ a lɔkɔ ŋkóknɛ á ŋiŋ yīi, a le tó á gá. Ŋiŋ yīi a á nnɔ pɛ metsem, ńnɔ̄ŋ nnɛ̄t zi á esī, yí mé mía ŋiŋ. »