Popular Bible Verses from Jáaŋ 10

Share

Ntsɔ́ŋ a shʉʉ̄ʼ azí áa njʉʉ̄, ézwhí, énéŋ mepí. Meŋ ke ké eshʉʼe, ŋ́gɛ epuɔ menɔŋ e eláʼ ŋgɔ́ éwú, ŋ́gɔ́ éwú tɛ ntsékne.

Meŋ á si ŋgɔ́ á mbɔŋ mpfɛnne‑memvhō. Mbɔŋ mpfɛnne‑memvhō a lɔɔ̄k athū nnɛ̄t zí ntá á pí, melaʼ memvhō mí.

Memvhō má é juúʼ anu zīi meŋ ndʉ́ɛ́. Meŋ nzhɛɛ́ á wɔ́p, pɔ́ piŋ ŋgɔ́ á nzem meŋ.

Meŋ ghʉʉ̄ pɔ́ gɔ́ éwú, éfú ntā á lezēŋ Ndém. Pɔ́ gɔ́ le fú mbí í. Ŋiŋ a piŋɛ ŋgɔ́, a á le fú aleʼé, éfhó á mbū meŋ ŋkú á wɔ́p ɔ́.

Meŋ mé si ŋgɔ́ nchu akɛ. Ŋiŋ a zápa ánɛ meŋ tɛ́ ŋkó á ŋkāʼ, mbɔ a a láʼ egɔ́ éwú, ékó, étó páʼ a á kɔŋ, éwɛ á ajūɔ tsem zīi, a gɔ epfɛ́t.

Meŋ á si ŋgɔ́ á mbɔŋ mpfɛnne‑memvhō. Meŋ zhɛɛ́ memvhō má, memvhō é zéŋ nzhɛ́ á gá

Mɔʼɔ́ ga mé le yá á wɔ́p mé meŋ. A faáŋ ntsya ajūɔ tsem. Ŋiŋ a gɔ le kūʼ á lefhō á mbū Mɔʼɔ́ ga, ŋ́kú á azō ɔ́. Pek Mɔʼɔ́ ga é puú ŋgɔ́ áa taʼ. »

ńdeŋ ndeŋ páʼ Mɔʼɔ́ ga a zhɛɛ́ á gá, meŋ zéŋ nzhɛ́ á yí lā. Meŋ ndɔɔ̄k athū nnɛ̄t zá ntá á pí, melaʼ memvhō má.

Ŋiŋ a gɔ̄ le kūʼ á lezwhī á gá á. Meŋ méŋwɛ̄t mé kɔŋɔ, ŋ́gyáa á athū nnɛ̄t zá. Meŋ wɛɛ̄ mete á lelɔk ŋgyá athū nnɛ̄t zá, ńzéŋ ŋgwɛ̄ mete á lelɔk ŋgɔ́ éwú leswhī leswhī. Á páʼa ŋgɔ́ á mɛnzhɛ yīi, Mɔʼɔ́ ga a le kīā, ŋ́gɛ meŋ ezīŋ áa éwú. »

Yɛɛ́so á zéŋ ndé ŋ́gɛ: «Kwaʼ anuúnē anuúnē, meŋ shúŋɔ á wɛ́ ŋ́gɛ, meŋ á si ŋgɔ́ nchu ŋgē mvhō.

Ŋiŋ yīi, a lɛɛ̄ ŋgɔ́ áa asaʼa‑ntsé á mbaʼ, ńzi te kwaʼ mpfɛnne‑memvhō ɔ́, memvhō é piŋ nzī te emí í, a lɛɛ̄ ŋge ejʉ́ɔ á tsho á leshʉʼ, ŋ́gwáʼ memvhō ŋkʉ̄, tsho á lɛ eshʉ̄ʼ ŋgwhʉ̄ á nnɔ memvhō, ḿbú ŋŋwāŋ á wɔ́p.

Yɛɛ́so á zéŋ ndé á mbū pɔ́p ŋ́gɛ: «Kwaʼ anuúnē anuúnē, meŋ shúŋɔ á wɛ́. Ŋiŋ a gɔ te lɔ̄k nchu akɛ tɛ́ ŋkó á ŋgē ɛ́, ḿbīŋ ndɔ̄k emɔ̄ʼ eshhʉ̄ akɛ tɛ́ nzíʼ ŋkó éwú, mbɔ ŋiŋ wuɔ mɛ́t a á ntsɔ́ŋ, ŋ́gɔ́ á efwɛ̄t.