Popular Bible Verses from ယူဝ်းႁၢၼ်ႇ 4

Share

ၽြႃး​ပဵၼ်​ၸဝ်ႈ ပဵၼ်​ၸႂ်​ဝီႉၺိၺ်ႇ​ဢေႃႈ။ ၶဝ်​ၸိူဝ်း​ဢၼ်​ၵူဝ်း​ၵႂၢႆႇ​ၽြႃး​ပဵၼ်​ၸဝ်ႈ​ၼၼ်ႉ တၵ်း​လႆႈ​ပႃး​ဢဝ်​တင်း​ၸႂ်​ဝီႉၺိၺ်ႇ​တင်း​သဵတ်ႈ​ၸႃႇ​ၵူဝ်း​ၵႂၢႆႇ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၶိင်ႇ​ၵႃႇလႃႉ ဢၼ်​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ ၸိုဝ်ႈ​ၸိုဝ်ႈ​ၸႂ်ႈ​ၸႂ်ႈ​တင်း​လၢႆ တၵ်း​ပႃး​ဢဝ်​တင်း​ၸႂ်​ဝီႉၺိၺ်ႇ​တင်း​သဵတ်ႈ​ၸႃႇ​တြႃး ၵူဝ်း​ၵႂၢႆႇ​ပေႃႈ​ၸဝ်ႈ​ၼၼ်ႉ​မႃး​ယူႇ​လႄႈ ၼႂ်း​တေႃႈ​လဵဝ်​ၼႆႉ​ၵေႃႈ​ႁွတ်ႈ​ဝႆႉ​မီး​ယူႇ​ဢေႃႈ၊ လွင်ႈ​မၼ်း​ၸမ်ႉ ပေႃႈ​ၸဝ်ႈ​ႁႃ​ၶဝ်​ၸိူဝ်း​ဢၼ်​ၵူဝ်း​ၵႂၢႆႇ​ၸိူဝ်ႉ​ၼင်ႇ​ၼၼ်​ၼၼ်ႉ​ဢေႃႈ။

ၵေႃႉ​ဢၼ်​ၵိၼ်​ၼမ်ႉ​ဢၼ်​ၵဝ်​ပၼ်​ၼၼ်ႉ​ၸမ်ႉ၊ တၵ်း​ၵၢင်း​လွတ်ႈ​တင်း​တၢင်း​ဢၼ်​ယၢၵ်ႇ​ၼမ်ႉ​ၵူႈ​ၶိင်ႇ​ၵူႈ​ၶႃႇ​ဢေႃႈ။ ၼမ်ႉ​ဢၼ်​ၵဝ်​ပၼ်​ၼၼ်ႉ တၵ်း​ပဵၼ်​ၼမ်ႉ​မေႃႇ​ဢၼ်​ၸိုမ်း​ဢွၵ်ႇ​ယူႇ​ၵႃႈ​တီႈ​ၼႂ်း​ၵေႃႉ​ၼၼ်ႉ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​ထႃႇဝရႃႉ​ဢသၢၵ်ႈ​လိပ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပေႃး​မႂ်း​ႁူႉ​ၵျေး​ၸူး​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵေႃႉ​ဢၼ်​ယွၼ်း​တီႈ​မႂ်း​လႄႈ​ဝႃႈ ပၼ်​ၼမ်ႉ​ပုၼ်ႈ​ဢၼ်​ၵဝ်​တၵ်း​ၵိၼ်​သေ​ၵမ်း​၊ ဝႃႈ​ၼင်ႇ​ၼႆ​ၼၼ်ႉ ပဵၼ်​ၽူႈ​လႂ်​ၸိုင်​မႂ်း​တၵ်း​ယွၼ်း​ၵႃႈ​တီႈ​မၼ်း​ၼၼ်ႉ​ဢေႃႈ။ မၼ်း​ၼၼ်ႉ​ၵေႃႈ​တၵ်း​ပၼ်​ၼမ်ႉ​ဢသၢၵ်ႈ​တီႈ​မႂ်း​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ တၢင်း​ၵိၼ်​ၵဝ်​ၸမ်ႉ၊ ပဵၼ်​တၢင်း​ဢၼ်​ၵမ်​ၵျၢင်ႉ​ဢလူဝ်ႇ​ၸဝ်ႈ​ဢၼ်​ပွႆႇ​ၸႂ်ႉ​ၵဝ်​မႃး​ၼၼ်ႉ ဢိၵ်ႇ​တင်း​တၢင်း​ဢၼ်​ႁႂ်ႈ​တၢင်း​ႁဵတ်း​မၼ်း​ၸဝ်ႈ​ယဝ်ႉ​တူဝ်ႈ​ၼၼ်ႉ​ဢေႃႈ။

မႄႈ​ယိင်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸဝ်ႈ၊ တီႈ​ၸဝ်ႈ​ႁဝ်း​ၼႆႉ ပုၼ်ႈ​ဢၼ်​တၵ်း​တဵၵ်း​ဢဝ်​ၼမ်ႉ​ၸိုင်​ဢမ်ႇ​မီး​ၵႃႈ​သင်၊ ၼမ်ႉ​မေႃႇ​ၼႆႉ​ၵေႃႈ​ပဵၼ်​ဢၼ်​လိုၵ်ႉ​ၼႃႇ​ၶႃႈ​ဢေႃႈ။ တၵ်း​လႆႈ​ၼမ်ႉ​ဢသၢၵ်ႈ​ၵႃႈ​တီႈ​လႂ်​ၶႃႈ။

မႄႈ​ယိင်း​ၼၼ်ႉ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၸဝ်ႈ​ မေသီႉ တၵ်း​မႃး​ဢေႃႈ ဝႃႈ​ၼႆ​ၵဝ်​ၶႃႈ​ႁူႉ​ယူႇ​ၶႃႈ​ဢေႃႈ။ မိူဝ်ႈ​ဢၼ်​မၼ်း​ၸဝ်ႈ​ႁွတ်ႈ​ထိုင်​ၸိုင် မၼ်း​ၸဝ်ႈ​တၵ်း​ၽုၺ်ႇ​ဢွၵ်ႇ​ၼႄ​ပျႃး​တင်း​သဵင်ႈ​တင်း​လူင်​တီႈ​ႁဝ်း​ၶႃႈ ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ မေသီႉ ဢၼ်​ဝႃႈ​ၸမ်ႉ ၶႂ်ႈ​ဝႃႈ​ၸဝ်ႈ​ၶရိၸ်ႈ​ဢေႃႈ။- ယေႇသူႉ ​ၵေႃႈ​လၢတ်ႈ​လႄႈ​ဝႃႈ ၵဝ်​ဢၼ်​လၢတ်ႈ​ၵႂၢမ်း​တေႃႇ​ၵၼ်​တင်း​မႂ်း​ယူႇ​ၼႆႉ ပဵၼ်​ မေသီႉ ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

မႃး​လႄႈ​တူၺ်း​ၵေႃႉ​ဢၼ်​ၽုၺ်ႇ​ဢွၵ်ႇ​ၼႄ​ပျႃး​လွင်ႈ​တၢင်း ၵႃႈ​ဢၼ်​ၵဝ်​ၶႃႈ​လႆႈ​ႁဵတ်း​မႃး​ယဝ်ႉ​တင်း​သဵင်ႈ​တင်း​လူင်​ၼၼ်ႉ သေ​ၵမ်း​ၶႃႈ။ ၵေႃႉ​ၼႆႉ​ပဵၼ်​ၸဝ်ႈ​ၶရိၸ်ႈ ဢမ်ႇ​ၸႂ်ႈ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊