Popular Bible Verses from JOŊRE 4

Share

Neke bə seere kaŋ haa Yeesu ɗaaməna faɗi. Gud maa mo Pepeŋ ayaŋ sam hulum baalaŋ a kaŋ kəna adawra kir minti áŋ falə seereŋ la guuduŋ pəda; wə ayaŋ ha'aŋ, sam Yeesu məna faɗi.»

Də ko bə minti yə ɗeŋ a tewe tooseŋ kəyaŋ, ko bə minti yə a təpaŋ ciiri laki adaŋ miiriŋ wəra ŋiɗ-ŋiɗ-ŋiɗi. Kəya Tiiru Cetcetaŋ ɗustiniy wəra keɗe, yə əsəŋ bə waate kel kə Pepeŋa máŋ wəra bay walka.

Bə hebkənaŋ ha'aŋ Barkaŋ, asə təbay də minti yə bə cəma a areŋ la gəm. Ayə səɓaki la a are, kaa kə joŋre nəmtiŋ, bə waatam kel nəmtiŋa wəra a kaŋ bay walka.

Yeesu toŋ haa hulum bə minti Kefter kə Pepeŋ a waataŋ wəra cuuru minti: ‹Pərki tó bə minti kaa kə hərsiŋ a gəənu warna ha'aŋ, wə koloŋ pərki pisi bə deŋe kumsuŋ a hərsi bə kuliŋa haa tó ɗaw.›

*Kaa kəmtəŋ gə jeme kəəti kə kaanə Ziwifiŋ ŋələŋ ablaw a kəkəy bə minti yə asaŋ anə Piyer daana Zaŋ bə waate kela wəra bay walkaŋ. Yə asaŋ wəra pəɗaki minti yə haa kaa akas kaa kaayaŋa ana gəm, kefter nuutu paapa də diri bə pa. Karman bə minti yə haraŋ bə ɗe a əsu siri ha'aŋ, haa bə minti yə a jəŋ kaa gə minti a jəŋ bə gəryiti də Yeesuŋ.

Kaa kə doo-deŋ keɗe a jəŋ wəra gə doo-de ku kumsi anə kaŋkaŋ; ku tərməyi məna, ɗiki di məna gəm. Hulum anə məna guudi waataŋ hõy minti: «Karman katən kəya, wə katən bay cəərən», waataŋ hõy ba. Səma, kar gə minti aduubə diŋ, yə haa kar neete, yə ciiri tapi keɗe.