Popular Bible Verses from Mateu 18

Share

Mwomwo kuze kuli vavali chipwe vatatu vanakungulula mulijina lyami, kwakuze vene nguli mukachi kavo.

Cheka nawa nangumilweza ngwami, nge vavali muli enu navevwasana hakala chuma, cheshocho navalomba hamavu navavalingilacho kuli Tata ali mwilu.

Kaha asanyikile kanyike wamundende ezenga, himwamwimika mukachi kavo. Kaha ambile ngwenyi, Mwamuchano nangumilweza ngwami, kuvanga mwalumuke mumuchima nakupwa mwavana vavandende, mokomoko kamweshi kukengila muwangana wamwiluko.

Shikaho weshowo mwalinyisa ivene apwenga ngana mwaya ou kanyike wamundende, ikiye ahambakana vakwavo muwangana wamwilu.

Kaha weshowo mwatambula kanyike wamundende umwe ngana ou, mulijina lyami, natambula Ami.

Mwamuchano nangumilweza ngwami, Vyeshovyo namukasa hano hamavu vyapwa vyakukasa lyehi mwilu, kaha vyeshovyo namukasununa hano hamavu vyapwa vyakukasununa lyehi mwilu.

Mukiko nawa mwakamilinga Tata wamwilu muvosena, nge namukana kukonekela vandumbwenu mumichima yenu.

Oloze weshowo mwavulumwisa umwe wavo ava vavandende vángufwelela, chawahile kachi vamukashilile lilolwa lyalinene lyakuchekela unga mushingo nakumulondomanyisa hamwambe wakalungalwiji.

Munashinganyeka muka? Nge mutu ali namikoko jenyi likulukaji (100), kaha umwe mwalaluka, kumana keshi kuseza vaze makumi atanu naawana navatanu navawana (99) mujipili nakuya nakutonda uze nalalukako, numba?