Popular Bible Verses from Mateo 5

Share

Banɔ eti deke kanɛgbɛ pɛ baa yɛkɔ akpɛ kɛdɔesi. Yɛ osia bha baa yɛkɔ atrɔ, pɛ aakɔ anɔnyanɔ kifu. Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

“Wɔnɔ nu kanɔ nɛ mɛ kanɛgbɛ. Ɔmagbla nɔɔ gɛ otsri butua bha ba tɛ ba na ɔlɛ kpu.

Ba yula bagɛ balɛ idzyi mɛ ebhui, alasɛ balɛ aba mɔ Kpaya.

Ba yula bagɛ bubhɛ anɛ oniwɛ ɔɔta nɛ tɛzɛzam dzyɔgo shu so, alasɛ balɛ ebe xui.

Pɔ itsre nɔ sɛ, nɔ ɖɔ bagɛ ba taa pɛɛ wɔnɔ, tɛ no bisi kɛdzyɔgo kɔ bagɛ ba kpatɔnɔ wɔnɔ

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Ba yula beboevu, alasɛ balɛ le be kulu asɛ Kpaya yeyialɛ.

Ba yula bagɛ balɛ akpasɛ awɔ̃hũdzɛdza mɛ, alasɛ balɛ kite le be vu idzyi akpɛ.

Ba yula bagɛ ba kpatɔnɔ akpɛ tɛzɛza dzyɔgo so, alasɛ balɛ yɛ kɛlɛ nu bukusiɔŋakɔ nɛ owũsise.

Ba yula bagɛ balɛ edi eshutukubui, alasɛ balɛ le be di eshutukubui.

“Ba yula wɔnɔ bagɛ banɔa kula, pɛ bakpatɔnɔ klɛ baa ɖɔ ebuikpã edidedi petee nɛ wɔnɔ shu akpɛ mɛ so. Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

Ba yula bagɛ enu banɔ yuyɔ, alasɛ balɛ aba ŋa kesukpa.

“Wɔnɔ nu kanɔ nɛ mɛ bɔmɔɛ. Pɔ onu gɛ bɔmɔɛ lɛla bulɛ ɔdzyɛ, kɛlɛ bu zɛ ba dzi bɔmɔɛ? Bɔ tia pɛ kɔ kɛdɔnyɛdɔ, ɔyɛkɔ dɛ sɛ tɛ ba yɛkɔ bulɛ atɛɛ elu kɔ banɔ la ga.

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Kplitaa nɛ, kɔ wɔ ‘Xee’ nɛ edzi ‘Xee,’ tɛ wɔ ‘Owo’ nɛ edzi ‘Owo’, kibui nyɛbui di gɛ kɛɛ zɛ dɛ kana nɛ kide ɔfufɔɛkpã nɛ ɔkɔ.

“No ti nu gɛ ba ɖɔ asɛ, ‘Kɛwɔ̃hũ nɛ kɛwɔ̃hũ ɔzakɔ, klɛ kile nɛ kile ɔzakɔ.’ Pɔ itsre wɔnɔ sɛ, Nɔ tɛ wɔ̃lãkɛ kibui nɛ anɔ kpã. Onu gɛ anɔ teli abɔ wɔ kɛdɔ nɛ kɛŋa ɔgla, tsyina kɛbɛtɛkpɛ mɛ ɔyɛ tsyɛ ɔkɔ yɛ tɛ abɔ.

Onu gɛ wɔ kɛŋamɛ wɔ̃hũ nɛ kɔ sɛ ɔbhɛtɛ buzizi, kpɛɛ lɛ obu tɛ ɔyɛkɔ tɛɛ̃. Kɛpɛ kɔ wɔ sɛ tɛ wɔ shu nɛ ɔkɔ toli ɔpɔ tɛ̃ dɛ sɛ tɛ ba yɛkɔ wɔ anɔosi nɛ petee ada tɛ̃a kpɛ kifu gɛ tɛ baa ni di mɛ. Klɛ onu wɔ kɛŋahwɛ nɔɔ kɔ sɛ ɔbhɛtɛ buzizi, bhui ɔlɛ tɛ ɔyɛkɔ tɛ̃. Apɛ kɔ wɔ sɛ tɛ wɔ shu nɛ ɔkɔ toli ɔtɛ za dɛ sɛ tɛ wɔ anɔosi nɛ petee ɔdɔ vɛ kifu gɛ tɛ baa ni di mɛ.