Popular Bible Verses from Luka 6

Share

Wapelenyi wanji vyono wakusaka, nanye molopegwa, Heya molobocela mu miwoko yenyu cipimo ciswanu cisindilwe, cisinjisizwe, cono cimemeleceye, no kumwajika. Hambi nha mu cipimo cicilya du cono mwitumamilaga kuli wanji, co cico du cono Mulungu nayo kolomujelelenyi na nyenye.”

Munhu muswanu, kalavyaga ziswanu kulawa mu viwutwa vyakwe vya mu nhumbula yakwe. No munhu mubi nayo kalavyaga izimbi kulawa mu viwutwa vyakwe vya mu nhumbula yakwe, hambi munhu nha kalongaga kulawa muli zono zimemile mu nhumbula yakwe.

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

Mweze no lusungu nha vyono Senyu yali lusungu.

“Mulece kuwalingʼaniza wanji, nanye ho si molingʼanizwa no Mulungu, mulece kuwahosa wanji, nanye si molohoswa: muwanenelaje wanji, nanye molonenelwa.

“Ninga ane nghumutyenyi anye mono mukuhuliciza, Muwendaje i walugu wenyu, muwatendelaje viswanu wono wakumusulenyi. Muwalugutize wono wakumulijitenyi, muwalombele wono wakumutendelenyi vibi.

Muwatendelaje wanhu wose, nha vyono anye mukusaka wene wamutendelenyi nyenye.

Munhu hono yakutowe mu luzagasa lumonga, umupitusize no luzagasa luyagwe; munhu hono yakuboce likoti lyako, umulecelaje ne shati yako. Muli wose mono yakukulomba cinji, umupelaje, na mono yakukusolela sawo yako, ulece kuyisaka yakugomolele.

“Hasina ibici iswanu lyono lilelaga mikalo mibi, hamba ibici ibi lyono Ulelaga mikalo miswanu.

Wanhu wawutanjilaga mubici mu mikalo yayo. Kanyhi yili calinze, vyono wanhu si wahepaga mikuyu mu mamivya, hamba si wahepaga zabibu mu mabijili.