Popular Bible Verses from Apɔsul Dɛn Wok 1

Share

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Jizɔs ansa dɛn se, “Na mi Papa nɔmɔ gɛt rayt fɔ tɔk ustɛm ɔl dɛn tin de go bi, nɔto una.

Di tɛm we Jizɔs bin stil de wit dɛn, i bin tɛl dɛn fɔ du sɔntin; i bin se, “Una nɔ fɔ kɔmɔt na Jerusɛlɛm, una fɔ wet te una gɛt wetin mi Papa dɔn prɔmis una, we a bin dɔn tɛl una bɔt. Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.”

Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul.

Wɛn Jizɔs tɔk dɔn, aw di apɔsul dɛn de luk am, nain Gɔd tek am go ɔp na ɛvin. Di apɔsul dɛn luk Jizɔs sote i lɔs na di klawd.

We di apɔsul dɛn bin de luk fɔ Jizɔs na di klawd, na de dɛn si tu man we wɛr wayt kam tinap klos dɛn. Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”