Popular Bible Verses from JOHANA 1

Share

No arĩa othe maamwĩtĩkĩrire, nĩo arĩa mehokete rĩĩtwa rĩake, acio akĩmahotithia gũtuĩka ciana cia Ngai

O KĨAMBĨRĨRIA-RĨ, Ũhoro warĩ o kuo, naguo Ũhoro watũire o harĩ Ngai, o naguo Ũhoro warĩ o Ngai.

Naguo ũtheri nĩũtũire o ũtherete nduma-inĩ, nayo nduma ndĩaũhootire.

We, Ũhoro-rĩ, agĩgĩtuĩka mũndũ, agĩtũũrania na ithuĩ aiyũirũo nĩ ũtugi na ũhoro-ũrĩa-wa-ma, na ithuĩ tũkĩĩonera riri wake, riri o ta wa mwana wa mũmwe oimĩte kũrĩ Ithe.

Indo ciothe ikĩgĩa ciagĩire na ũndũ wake, na kĩndũ o gĩothe kĩrĩa kĩgĩĩte, gũtirĩ kĩagĩire we atarĩ ho, o na kĩmwe. Thĩinĩ wake nĩkuo kwarĩ muoyo, naguo muoyo ũcio nĩguo warĩ ũtheri wa andũ.

Mũthenya ũyũ ũngĩ akĩona Jesu agĩũka arorete kũrĩ we, akiuga atĩrĩ, Onei Gatũrũme ka Ngai, karĩa ga gũtwara mehia ma kĩrĩndĩ!

We, Ũtheri ũcio, aarĩ gũkũ thĩ, o nayo thĩ ĩkĩgĩa yagĩire na ũndũ wake, nakĩo kĩrĩndĩ gĩa gũkũ thĩ gĩkĩaga kũmũmenya. Okire gwake mwene, nao andũ ake mwene matiigana kũmwĩtĩkĩra.

Ũtheri kũna, ũrĩa ũmũrĩkagĩra mũndũ o wothe, nĩwarĩ kuo ũgĩũkaga thĩ.

Tondũ watho watũmirũo na Musa; ũtugi na ũhoro-ũrĩa-wa-ma mokire na Jesu Kristo.