Popular Bible Verses from YOANƐ 15

Share

“Mi a te vinɔ, nɛ nɛ a ogbakɔ̃ nɛ. Wi kɛ a 'bana dɛ kɔ mi, nɛ mi 'bana dɛ kɔ a ni, a ɔ nɛ gbakɔ̃ te kɛ ma wala nɛ ge nde ni. Kɔ fala kɛ mi 'bànà dɛ kɔ nɛ gɔ, nɛ nde nɛ wé sɛ tɛ dɛ mɔ kpo gɔ.

Nɛ 'báná dɛ kɔ mi, ɔ nɛ kɛ mi 'bana dɛ kɔ nɛ ni. Fala kɛ gbakɔ̃ te 'bànà dɛ tɛ te gɔ, nɛ nde ma wè tɛ wala nɛ gɔ. Nɛ nɛ ɔ tɛ mɛ 'bɔ na mɛ ni. Fala kɛ nɛ 'bànà dɛ kɔ mi gɔ, nɛ nde nɛ wé sɛ tɛ dɛ mɔ kpo gɔ.

Kɔ fala kɛ nɛ 'bana dɛ kɔ mi, hã wenɔ 'da mi ma 'bana dɛ kɔ sila nɛ, nɛ nɛ kpa sɛ mɛnɔ kɛ nɛ gɔ ma ni vɛ̃.

Nɛ a nɛ sàkà zi mi gɔ, nɛ nde mi a mi saka nɛ. Nɛ mi hã to hã nɛ na, nɛ ɔ nɛ te kɛ ma wa wala ni, nɛ wala tenɔ ni 'bana fai. Na mɛ ni, fala kɛ nɛ gɔ mɔ kɔ̃ Baa mi do zu li mi, nɛ a hã sɛ ma hã nɛ.

Kɔ̃a zã kɛ ma nɛa ngɔ mɔ vɛ̃, mɛ a kɛ na, wele kɔ̃ gɛnɛ ngbɛ ɛ, nɛ a fe we a ni.

A 'bili gbakɔ̃ te vɛ̃ kɛ ma wálá gɔ ni, nɛ a fo ogisa nwá tɛ kɛnɔ ma wala ni, takɔ tɛ nɛ sa, nɛ ma wala dɛ dati.

Nɛ zɔ́ mbula 'da mi ma kɛ: Nɛ kɔ̃́ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

Nɛ zɔ́, mɛ kɛ ma hã dɔ̃lɔ̃ li hã Baa mi, mɛ a kɛ na, nɛ kó wala te wena, nɛ ma be sɛ na, nɛ a owinɔ 'da mi.

“Mi a ngbongbo te vinɔ, nɛ Baa mi a wi wa fɔ nɛ.

Wi kɛ a 'bànà dɛ kɔ mi gɔ, nɛ Gale a da sɛ a nza, ɔ nɛ gbakɔ̃ te kɛ ma kolo, kɔ ma gbini, nɛ wa kala, nɛ wa da li we, nɛ ma ngutu vɛ̃ ni.

“Mi tɔ̃ hã nɛ na mɛ ni, takɔ nɛ kpa yangga kɛ mi do ma ni, nɛ sila nɛ dunu do yangga.

Fala kɛ nɛ dɛ mbula 'da mi, nɛ mi kɔ̃ sɛ gɛnɛ nɛ fai, ɔ nɛ kɛ mi dɛ mbulanɔ 'da Baa mi, nɛ a 'bana tɛ kɔ̃ gɛnɛ mi fai ni.

Kɔ mbula mi kɔ̃a na, nɛ dɛ́ gɛ mɛ a kɛ na, nɛ kɔ̃́ gɛnɛ ngba nɛ.

Ɔ do kɛ nɛ sɔ a owinɔ nù gɛ, nɛ owinɔ nùi gɛ wa kɔ̃ sɔ gɛnɛ nɛ, we kɛ nɛ a winɔ 'da wa. Nɛ nde mi saka zi nɛ, nɛ mi kala nɛ sanga wa do'do, nɛ nɛ 'bɔ a winɔ 'da wa gɔ, ma kɛ winɔ nùi gɛ wa sɛnɛ nɛ ni.