Popular Bible Verses from Yohanes 6

Share

Na'uli' Yesus: ”Aku' toi-mi pongkoni' to mpowai' katuwua'. Hema to tumai hi Aku' uma-rapa mo'oro', pai' hema to mepangala' hi Aku' uma-rapa ngkamara, duu' kahae–hae-na.

Inoha' Alata'ala-hana to mpowai' katuwua'. Kuasa manusia' uma ria kalaua-na. Lolita to kupohowa'-kokoi mehuwu ngkai Inoha' Alata'ala pai' mpowai' katuwua'.

Neo'-koi mobago mpali' pongkoni' to sohi' oti pai' waha'. Mobago-koi mpali' pongkoni' to uma ria kawahaa'-na pai' to mpowai' katuwua' to lompe' duu' kahae–hae-na. Aku' Ana' Manusia' to mpowai'-koi pongkoni' tohe'e, apa' Alata'ala to Tuama mpotudo' ka'Aku'-nami to napelihi pai' to napokono.”

Toi-mi konoa Tuama-ku: bona hawe'ea to mpohilo pai' to mepangala' hi Aku' Ana'-na mporata katuwua' to lompe' duu' kahae–hae-na, pai' kupopemata-ra hi Eo Kiama.”

Na'uli' Yesus: ”Toi-mile pobago to napokono Alata'ala-e: mepangala' hi Aku' to nasuro.”

Hawe'ea tauna to nawai'-maka Tuama-ku, bate tumai hi Aku'. Pai' hema–hema to tumai hi Aku', bate kutarima-i pai' uma-i kupopalai.

Na'uli' Simon Petrus: ”Ha hilou hi hema-makai mpai' Pue'? Iko-wadi to mpohowa' lolita to mpowai' katuwua' to lompe' duu' kahae–hae-na.

Aku' toi-mi pongkoni' to mana'u tumai ngkai suruga, pongkoni' to tuwu'. Tauna to ngkoni' pongkoni' toi tuwu' duu' kahae–hae-na. Pongkoni' to tuwu' tohe'i, batua-na woto-ku to kupewai' bona manusia' mporata katuwua'.”

Uma ria haduaa to ma'ala tumai hi Aku', ane uma-ra nakeni Tuama-ku to mposuro-a. Pai' kupopemata-ra omea hi Eo Kiama.

Pongkoni' to nawai' Alata'ala, batua-na, to mana'u tumai ngkai suruga pai' to mpowai' katuwua' hi manusia'.”

Aku'-mi pongkoni' to mpowai' katuwua'.

Ngkai ree, na'ala'-mi roti, na'uli' tarima kasi hi Alata'ala, pai' nabagi–bagi hi tauna to wori' to mohura. Hewa toe wo'o pompobabehi-na hante bau' uru. Ngkoni'-ramo omea duu'-ra bohu. Bohu-ramo omea, na'uli' Yesus hi ana'guru-na: ”Rumpu-koi toro-na, bona neo' ria to rakerei.”

Lima ba ono kilo-ramo ngkai talinti, rahilo-rawo, etu-imi tumai Yesus momako' hi lolo ue mpototopa-ra. Aga uma ra'incai kaYesus-na. Me'eka' lia-ramo. Na'uli' Yesus: ”Neo' me'eka'! Aku'-mile toi-e.”