Popular Bible Verses from LUKAS 6

Share

Beena doi mian bailon, sulano ko Mian Bisa koidan beena doikoo; komuyu naikon mantalima sabeat molobi-lobian mo lapamo inukul mono-monondok tuuk doikoo. Sabab koukulan komuyu mo pakeyo tuuk doi mian bailon naikon ko Mian Bisa pakeyo tuuk doikoo.”

Komian monondok okitakene kolangge-langge monondok sabab konoano lobian kona monondokan. Komian mo lokis okitakene kolangge-langge mo lokis sabab konoano moono tukon kulokisan. Sabab oila kobabanggita nabinantil doiyamo komo tokumbe doi noanggita.”

Kona bisaan aki nabuno doiya! Komuyu kona bisaan sio poseseange kopo musu tukon pokubaiyo kopokindokonan doi yanila. Komuyu sio pobeena babingkat, tukon inai pomoinikene namoola abalinggene. Kalu buno doiya, komu tambo naikon babasal tukon komuyu naikon teali Mian Bisa Mo Tatandak Tuuno napau-pau. Sabab ko Mian Bisa monondok konoano doi mian mo aki natoiyo mantalima seang, tukon doi lobo nalokisan koidan.

Siokai komuyu pomamaasikene buno ko Tamamu koidan napomamaasikon!”

“Inai pohakimiyo komian bailon, sulano mau komuyu susuumuyu inai Mian Bisa nahakimiyo. Inai poukume komian bailon, sulano komuyu susuumuyu koidan ko Mian Bisa aki naukume. Ompuniyo komian bailon, sulano ko Mian Bisa koidan naompuniyo komuyu.

“Bai doi komuyu mo molongolo doi Yaku diabudodoo, Yaku mebee nateteba nia: seseange komu musu-musu, tukon kubaiyo komo monondok doi mian mo mosikitonggon. Balakaatiyo komian mo kutuke ikoo, tukon sambeanggene komian mo kulokisanggene ikoo.

Polakukanggene komian bailon buno komuyu moyase pokinubaikon doi yanila.

Kalu komian tapiyo kopapaimu sembeleng, sodiiyomo yana natapiyo kopapaimu sembeleng koidan. Kalu komu jubah linambas, beekene koidan komu kalambi. Kalu komian makabi oioila doikoo, beekene doiya doi yana; tukon kalu komu lobo linambas, inaimo mokabiyo koidan.

“Kayung mo molumbang aki namasaokon saono mo lokis. Bunomo lakon kokayung mo aki namolumbang, aki nasaokene kosaono mo monondok.

Meeng kokayung tiningonii doi saono. Mosolot mosoniton aki nasaokene koara saono, tukon laing mosoniton aki nasaokene koanggur saono.