Popular Bible Verses from LUKAS 14

Share

“Kalu komian molubat doi Yaku, bai lobian kona seseangano kotinano, tamano, kona boloki, napau-pau, utus-utuso, kai butongo susuungo, yana aki namoola teali kupololaing.

Mian mo aki nayase tanggunge kona sinempangan tukon lainge Yaku, aki namoola teali kupololaing.

Sabab meeng komian mo katandake kobutongo naikon inekepende, bai komo ekependeyo kobutongo naikon inakatandak.”

Doibundu Yesus bantile, “Bunomo doiya koidan tukon komuyu. Akiyo komeeng komian doi komuyudoo momoola teali Kupololaing, kalu yana aki nakurbankanggene sasaibino.”

Kalu meeng komian doi komuyu yase kekendenge komeeng komenara, tantu yana naikon osulang moaite looluk kona ongkos sulano yana natoiyo oilakai kona doy sukup sulano nakekendenge do menaradoo kai aki. Sabab kalu tokita yana aki namoola kekendenge, banggokai kona pandasi lapamo kinubai, maka sasaibino komian mo kitayo do limangoo naikon kokumbite. Yanila naikon bantile, ‘Eh, namian nia kekendenge bai aki namoola alapayo!’

Jadi kalu ikoo mokubai lamean, koloyo komian motalalais, mian mosasaton, mian molemat, tukon mian mopiit. Ikoo naikon binalakaati, sabab do mianoo aki naikon namoola soboliyo komu monondokan. Komu monondokan naikon Mian Bisa komo soboliyo doi tempo komian monondok nainotuboiyan doi matean.”

“Timusonoo monondok, bai kalu tealimo matabal, moola kai nakinotonoi koidan? Akiyono kona totuuk koidan, mau motuuk doi asi, mau motuuk pupuk. Jadi tongo sinakukon tolong. Kalu daano kotolingaimuyu, ndongoliiyo!”