Popular Bible Verses from MWAMBĨLĨLYO 2

Share

Kwondũ wa ũu mũndũ mũũme akatia ĩthe na nyinyia, na akalũman’ya na mũka wake: nao makeethĩwa mwĩĩ ũmwe.

Na Yeova Ngai asya, Ti ũseo mũndũ ethĩwe e weka; nĩngũmũmbĩa mũtetheesya ũmwaĩle.

Na Yeova Ngai oomba mũndũ na kĩtoo kya nthĩ, na amũvevea mĩthũmũ ya thayũ manyiũũnĩ make; na mũndũ atw’ĩka kyuu kĩ thayũ.

Na mũndũ asya, Ũũ yu nĩ ĩvĩndĩ ya mavĩndĩ makwa, na nyama ya mwĩĩ wakwa: akeetwa Mũndũ mũka, nĩkwĩthĩwa nĩwaumiw’e nthĩnĩ wa Mũndũ mũũme.

Na Ngaĩ aathima mũthenya wa mũonza, na oovathan’ya wĩthĩwe mũtheu; nũndũ nĩw’o wathũmũie ũndũ wa wĩa wake w’onthe ũla Ngai watw’ĩkĩthisye na wombie.

Na me elĩ maĩ athei, mũndũ mũũme na mũka, na maiaasonoka.