Popular Bible Verses from Markus 14

Share

Kuan-Na, “O Abba, o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”

Tuméga-tégam wo mengaléila wo ni kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Uli-ulit ikua-Kuma wia ni kamu, wisa uman wia ung kaayahan kenu u mawokaan né tou u Nuwu' Lé'os ni Opo Empung, um winangun ni wéwéné kenu én ikua néra kangkasii ing gumenang ni sia.”

Ang kuan-Na wia ni séra, “Un até-Ku én totozo rumara, kua é matémo um pendanen. Ni kamu é mento'mola wia'i wo tuméga-tégam.”

I si Yesus wo sé pahtuzu'en-Na karegas i mahkan, si Yesus méndomé u roti, kumuama u makasé wia si Opo Empung, pemété-météngen-Nala u roti, an ipahwéhé-Nama wia ni séra ang kumua, “Endonoma, ung kenumo un awak-Ku.”

Tumondong niitu a Sia méndomé um pengengelepan un tinahu'an anggor, kumuama u makasé wia si Opo Empung an iwéhé-Nala um pengengelepan itii wia ni séra, a séra péléng melep witu um pengengelepan itii. Ang kuan-Na wia ni séra, “Ung kenumo un zaha'-Ku, u nimenté' um pinataazan ni Opo Empung, un isaroi wia sé tou lakez.

Ang kuan ni Yesus kasii, “Ni kamu péléng én tumula'u ni Aku. Pahpaan witu um pinantik, si Opo Empung éng kimua, ‘Si memimiara sé domba ém wunu'eng-Ku, wo sé domba itii én ikasera.’

Rumendaiomé! Méyémo kita mangémo. Ilekna, si tou mayo ni Aku é merétémomé.”

Ang kuan ni Yesus wia ni sia, “Uli-ulit ikua-Kuma wia ni ko, in endo kenu, im wengi kenukan, puunala si laka' kumukuké ing kazua, ni ko é nimakatelumola ing kimélong ni Aku.”