Popular Bible Verses from Matius 24

Share

Pahpaan kalakeznamo a léwo'an, taka-takazan u raraatéan wia sé tou éng kaina'namo. Taan sé tou ezen makaz ing kamurian é makailek ung katou-touan makaz ing kauré-uré.

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Ni kamu én tumalinga im wéwéhan sé mahkoro' kaapa a sirita tumoro sé mahkoro'. Taan, tuméga-tégam wo tia'mo maarét, pahpaan péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan.

Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Ung kaahreman wo an éhzo' é mamuali wana a lakez tampa. Taan péléng a mamuali itii én taré ung kataré-taré, tanumokan si wéwéné i mahpendan u rumara pahpaan in tumoumo si oki'na.

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra.

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku. Wo lakez sé tou ma'éman wia si Opo Empung én tumamburi im wia ni Sia. Ni séra é mayo sé tou walina wo sé tou walina é mayo ni séra wia sé mahkawasa wo mahzi'zi-zi'zisan. Lakez sé nabi towo sé méyé wo lumulu sé tou lakez.

Ang kuan ni Yesus wia ni séra, “Tuméga-tégam én taa ni kamu ilulu né tou.

Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Kuan kasii ni Yesus wia ni séra, “Zéi'kan siapa tou si mata'u sa sawisa un orasna si Oki' ni Tou i mawurimé sumaup. Sé malaekat witi kasendukan én zéi'kan mata'u wo si Oki' ni Tou kangkasii én zéi'kan mata'u, akaz uman si Ama' in esa si mata'u.

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Pahpaan kuramo u nimamuali witu un oras ni Nuh, téntumo u mamuali i si Oki' ni Tou i mawurimé sumaup im woosawisa. Kuramo séra i mahkan wo mahelep, mahkawéng wo pakawéngen, puunala un ampuhan i niméyé makaz witu un endo si Nuh i nimuntep witu u londéi tua'na, un zéi'kan kata'uan néra, makaz un ampuhan limeneua ni séra a séra maapuma, téntumo a mamuali i si Oki' ni Tou méyé sumaup im woosawisa.