Popular Bible Verses from Yohane 5

Share

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Na Yesu nwuni ye kyɛ ɔla berɛ, na onwuni kyɛ wala berɛ wahyɛ nen, obisale ye kyɛ, “Ɛpena kyɛ wɔ nwo sa anaa?”

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ. Nakoso ɛmɔnguro kyɛ ɛmɔkɔwa me berɛ, ná ɛmɔanya ngoa.

Na Yesu sele ye kyɛ, “Dwɔso, fa wɔ bɛen ne, ná nate!” Na berɛ ne ala, biaa ne tele apɔ; ɔfale ye bɛen ne, na ɔnatele. Né sɔ kyẽa ne te afofikyẽa.

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.