Popular Bible Verses from Luk 6

Share

Kẹ, ka je kẹ wẹ; omamọ rẹ ovwanvwọn, ra nyẹre, re kpoghori, rọ mwavwi hwẹ, kọye e mu phihọ agada wẹn. Kidie ovwanvwọn wọ vwọ vwanvwe kẹ ihwo ọye a je vwọ vwanvwe kẹ wẹ.

Ohwo esiri vwenẹ emu esiri rọ hẹ udu rọye ọye o ruẹ kẹ ihwo, ohwo umwemwu ukori rẹ umwemwu rọ hẹ evun rọye oyẹ ọ da reyọ ruẹ kidie obo rọ hẹ evun rẹ udu ọye unu ta.

Ẹkẹvuọvo guọnọ ivwighrẹ wẹn, ru wo ru emu esiri, momo kẹ ayen wọ guọnọ isuo-o; osa wẹn kọ rho, ke se ovwan emọ rẹ ọ Ro Me Kpenu; kidie o nẹ aruẹdọn kẹ otu re riẹn ẹse te otu ri jẹ riẹn.

Gbe ni aruẹdọn kirobo rẹ Ọsẹ rẹ ovwan ji ni aruẹdọn.

Wo guẹ ohwo-o e gbi ji gu we-e; Wo bru ẹdjo hwe ohwo-o, e gbi ji bru hwe we-e; vwo ghovwo, ke ji vwo ghovwo uwe

Ẹkẹvuọvo me ta kẹ ovwan ihwo ri nyo, Guọnọ ivwighrẹ wẹn, ru ọ rẹ esiri kẹ otu ri tuoma wẹn, Nẹ ẹrhovwo kẹ ihwo ri duvwu iyori hwe we, ta ota esiti kẹ ihwo re harhe owẹ.

kirobo wọ guọnọre ne ru kẹ wẹ, ji ru ọtiọye kẹ ihwo efa rhe.

Ohwo da ghwiẹ wẹ ọhwa ọvo, je vwẹ ọrivẹ kẹ teye; ohwo de mie we adagba wẹn, wo siẹ ikotu wẹn nẹ kẹ-ẹ. Ohwo da yare owẹ emu kẹ, ohwo de mie we obo wo vwori wọ gbe rhoma nọ ekpẹn rọye ọfa-a.

Kidie urhe esiri sa mọ omamọ umwemwu-u; eyẹ urhe umwemwu sa mọ omamo esiri-i

Kidie omamo rẹ urhe e vwo vugbe urhẹ. Odjigbẹ sa mọ owẹ-ẹ, eyẹ akpia sa mọ otiẹ-ẹ.