Popular Bible Verses from Lukas 23

Share

Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

Nakuanni Puang Isa, “Katappa'i, mammula tee allo la solaki' lan suruga.”

Nakua mangkada lako Puang Isa, “Oo Puang, taingaranna' dikka' ke ratuki' menjaji Raja!”

Naandongngi Puang Isa metamba nakua, “Oo, Ambe'! Kusorongmi mati' sunga'-Ku'!” Ia tonna mangka mangkada susi joo, ka'tumi sunga'-Na.

Ia tonna ratumo lako buntu-buntu disanga ‘Buntu Ulu Tau,’ napampangmi to Puang Isa, napampang tooi joo dua togaja', mesa' jio sa'de kanan-Na Puang Isa na mesa' jio sa'de kairin-Na.

Ia tonna tangngamo allo, agi-agi tatte' sangpulo dua te'damo namangngarrang to allo, namemmapattang ngasan joo tondok, angge tatte' tallu karuen. Ca'ce tipangduami to kaen pesapa' lan Bola Puang Allataala.

Ia tonna kitami komandan surudadu apa joo mangka jaji, mpakala'bihmi Puang Allataala, anna mangkada nakua, “Tonganna, te'da Ia nakasalan!”