Popular Bible Verses from OHÚTU 17

Share

Eko nɛ̄ Ébram wɛ iháyí ofɛnɛ ce igwáahāanɛ ā, Óndú ā lɛ iyī nū mafú lɛ ɔ́, anɔ́ɔ ó da ɔ́ kahíníī, “Ami wɛ Ɔwɔicō nōo lɔfú fíyɛ́ dúú á. “Lɛyítáajɛ gā um cɛ́ɛ́ ká ā yɔ̄ ī yá ɔdā nōo lɛ kpaakpa eko dóódu.

Iyē kú uwɔ í gáā lé ka Ébram ɛ́ɛ́ gɛ ŋ́, amáŋ ó géē lé ka Ébrahām, ohígbū ka n le uwɔ pīya ádā kú aéwo alɛwa ɛɛ́.

N géē lɛ okónu nɛ̄ n ce ga uwɔ nyā tū lɛ awɔ mɛ́mla ayááyí kú uwɔ ɛ̄cɔ̄bū, kóō wɛ okónu ō ce nōo géē yɔ̄ piyóó. N géē wɛ Ɔwɔicō kú uwɔ mɛ́mla Ɔwɔicō kú ayááyí kú uwɔ.

“Ɛka nɛ̄ n gbo ga uwɔ ā yɔ̄ á. N cokónu ka a géē wɛ ádā kú aéwo alɛwa.”

Ɔwɔicō tá ɔ̄ ohi kahíníī, “Ehée! Ɔnyā uwɔ, Usára géē ma ɔyínɔ̄nyīlɔ éyi gā uwɔ, nɛ̄ a géē hī iyē nū ka Áyísīki N géē gbo ɛka mɛ́mla anú mɛ́mla ayááyí nū nōo í yɔ̄ piyóó.

N géē je ajɛ nɛ̄ a wɛ ugbɔga anú nyā mɛ́mla odúúdú ajɛ kú Ukénan ā gā uwɔ kóō wɛ ákú uwɔ mɛ́mla ayááyí kú uwɔ igbīhi uwɔ piyóó.

Ébrahām túkpɛɛɛ́ leyī pīya klá ajɛ le ɛhɛ yɛ, anɔ́ɔ ó da īyīnū kahíníī, “Ɔ̄cɛ géē lɛ ɔyí eko nōó wɛ iháyí ofɛhɔ̄ glá ɛ́ɛ̄? Usára nōo wɛ iháyí ofɛnɛ ce igwó ā mɔyí glá ɛ́ɛ̄?”

Ɔwɔicō da Ébrahām kahíníī, “O ŋmá abālɔbányā gɔbū, á gaá hī ɔnyā uwɔ ka Usárāyi ɛ́ɛ́ gɛ ŋ́. Amáŋ iyē nū í wɛ Usára

Aá géē hɛ́ ufíyé kú aá, ó géē wɛ ɔdā ō cābɔ̄ mafū kú ɛka nɛ̄ n gbo mɛ́mla aá ā.

Amáŋ, n géē le ɛka nɛ̄ n gbo ā tū mɛ́mla Áyísīki, nɛ̄ Usára gaá ma gā uwɔ ekomā kú ɛyí ɔhá ā.”

O gbɔɔ́ ŋmá abɔ̄lɔbányā gɔbū, a géē hɛ́ ɔyínɔ̄nyīlɔ dóódu nōo wɛ ɛ̄cī ahātá apī. Ó kōō wɛ ɔfiyɛ nēé ma ɔlɛ́ uwɔ mɛ́mla ɛ̄nɛ̄ aá lá ŋmá éwɔhá wā ɔlɛ́ aá. Ɛ̄nyā géē wɛ ocābɔ̄ kú ɛka nɛ̄ n ce mɛ́mla aá ā á. Kwu ayí nēé ma ɔlɛ́ aá, mɛ́mla aɛ́nɛ̄ aá bī ije lá ā, é géē hɛ̄ uwā apī. Ɛ̄nyā géē wɛ ɔdōōcābɔ̄ ɔkpíyē kú aá ka ɛka nɛ̄ n gbo mɛ́mla aá géē yɔ̄ piyóó.”