Popular Bible Verses from Yohanes 17

Share

Bokyas aNyõ to bo ro ati. Bokyas aNyõ to bo ro mabo tu oh! Jõ tayoh tawe nno re ana mari bokyas aNyõ tna mbo mno. Feto oh mi Nyõ noo ana nbo mkah mno bo woNyõ.

Jõ ksoh re ana mhar Nyõ nhaf, srau aNyõ kaket, tna mhar mawe Nyõ fi Allah yesait aran tum. Tna Jõ ksoh re ana mhar mawe Jõ fi Yesus Kristus : Jõ fi Ait ro Nyõ nbis tama tabam refo. Soh ana mhar anu mbewok feto kbe ana mkai roon ro hame oh meto.

Tna Yesus yawe kʼYaja yawe, “Jõ skabuk ana wefo mesait aran fee. Meen ana mamo mkyas Jõ tasom aJõ renti. Tibyo kbe raa taro smot Jõ. Feto to Jõ skabuk raa weto ye. Tayoh re ana beta mhaf sau msya anya, mnan fi Nyõ nhaf sau nsya Jõ to ye. Tna mnan fi Jõ thaf sau tsya Nyõ ye. Jõ skabuk bo refo re kbe ana beta mhaf sau msya anu mbewok. Feto tibyo raa ro tabam refo mmat tna mhar mawe Nyõ oh mi Raa ro nbis Jõ troh tama tabam refo.

Jõ skabuk tawe Nyõ tufrok ana mbam tabam refo fee. He tayoh re Nyõ kmot ana re kbe kabes yabi (Iblis) yno ana ma.

Tiwya Nyõ nsan bo yase aNyõ to kʼJõ. Tna Jõ tsan bo yase aNyõ reto kʼana ro smot Jõ. Afo re ana beta mhaf sau, mnan fi Anu bewok bhaf sau ye. Jõ fi thaf sau su tsya ana. Tna Nyõ fi nhaf sau su nsya Jõ. Tayoh re ana ro smot Jõ to beta mhaf sau su mnan si. Soh raa woJõ mhaf sau su to, kbe raa ro tabam refo mhar mawe Nyõ oh mi nbis Jõ. Tna raa ro tabam refo mhar mawe Nyõ nhafri Jõ tna Nyõ nhafri ana ro smot Jõ mnan anya ye.”