Popular Bible Verses from HECHOS 11

Share

Chaypim huk watapuni iñiqkunawan karqaku achka runakunata yachachispanku. Chay Antioquia llaqtapim Jesucristoman iñiqkunata “cristianowan” sutichayta qallaykurqaku.

Chayaruspanmi chay llaqtapi iñiqkunapaq Diospa favorninta qawaykuspan llumpayta kusikurqa. Hinaspanmi paykunata kallpancharqa huk sonqolla qaqa hina sayaspanku Señorta qatinankupaq. Bernabeyqa Chuya Espiritupa huntasqan kaspanmi Diosman hapipakuq allin runa karqa. Chaynapim achka runakuna yapakurqa Señorman iñispanku.

Señor Jesucristopi iñiqkunaman ñoqanchikman hina Espiritunta Dios qoptinqa ¿pitaq ñoqaqa karqani Diosta harkakunaypaq? Chaynata Jerusalenpi kaq iñiqkuna uyariruspankum manaña Pedropa contranpichu karqaku hinaspam Diosta yupaycharqaku: —Chaynaqa mana judio runakunamanpas Diosmi wanakuytaña qoykun wiñaypaq kawsanankupaq —nispa.