Popular Bible Verses from Mateo 22

Share

Nekztan Jesusaqui kjaazic̈ha, tuz̈ cjican: —Tii mantitac̈ha juc'ant chekanaqui. “Anc̈huca Yooz Ejp Jilirz̈quiz sirwa, tjapa kuztanami, tjapa animuz̈tanami, tjapa pinsamintuz̈tanami”. Parti mantitanacquiztan cjenaqui jalla niic̈ha chekanaqui. Niiz̈ jaru tii mantitaqui z̈ejlc̈ha. “Jaknuz̈um persunpachquiz okzñamz̈laja, jalla niz̈ta okzñi kuzziz cjistanc̈ha z̈oñinacz̈quizimi, liijitum maziz̈takaz”.

Jalla nii pizc mantitanacac̈ha chekanaqui. Niz̈aza tjapa Moisés tjaata liimi, niz̈aza tjapa profetanacaz̈ tjaajintanacami nii pizc mantitanacz̈ partiquiztan chiic̈ha.

Jesusaqui cjichizakazza: —Kjawz̈ta z̈oñinacaqui tamac̈ha. Illzta z̈oñinacaqui kolucullac̈ha.

Ticzi z̈oñinacaz̈ jacatattanaqui zalzqui ana z̈elaquic̈ha. Z̈oñinacami z̈oñz̈ maatinacami ana zalznaquic̈ha. Nii timpuquiz z̈oñinacaqui arajpach Yooz anjilanacaz̈takaz cjequic̈ha.

Impuesto pacz paaz tjeezna. Jalla nekztan tsjii denario cjita paaz zjijcchic̈ha. Jalla nii paaz cherz̈cu, Jesusaqui ninacz̈quiz pewczic̈ha, tuz̈ cjican: —Tii paazquiz ¿jecz̈ yujctaya? Niz̈aza tii cjijrta tjuu, ¿jecz̈ tjuutaya? Nii quintranacaqui kjaazic̈ha, tuz̈ cjican: —Roman chawc jilirz̈tac̈ha. Jesusaqui nekztan cjichic̈ha: —Roman chawc jilirz̈taqui jalla nii jilirz̈quin tjaasa. Niz̈aza c̈hjulut Yooztaqui Yoozquinpan tjaasa.