Popular Bible Verses from Luke 12

Share

Eukw maak uu wehchi ishinaakuhch kaye chiyawaau muush chechii ayeskuwiyekw. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”

Uste iteyihtaakun niishtam chechii naanituu chischeyihtamuwekw Chishemanituu uchisheuchimaawin ekw maak che ihtuutamekw taan e ishi nituweyihtahk Chishemanituu ekw maak mikw che ishi miitaakw aniyuu chekwaayuuh kaa nuuhtepayekw.”

Ekw Jesus misiwe kaa itaat uyuu, “Yaakwaamiikw, ekaa chechii mushteneyihtamaacheyekw e ishpish wii ayaayekw chekwaan. Wesh taapaa aniyuu e ishi weyuutisiit awen maak naashch e miisitisiikwe, namiyeyuu aniyuu che ihtuutaakut chechii uhchi ayaat kaachiche pimaatisiiwiniyuu.”

Taanite kenuweyihtaakuhch chimiisitisiiwinawaauh ekute muush che ishi maamituneyihtamekw.”

Chekwaan wehchi naashch aayimeyihtamihiikuyekw chekwaan ekaa maak etituu chii chinuhtaayekw chipimaatisiiwinawaau.

Ekw Jesus kaa itaat uchischinuhamuwaakan, “Eukw maak uu wehchi ititakuch ekaa chechii mukushkaateyihtamekw miichim taan netuweyihtamekw chechii uhchi pimaatisiyekw maak kaye chekwaan che chichishkamekw.

Chiyawaau maak uste chititeyimikuwaau Chishemanituu ishpishaat aniyuu piyeshiisha e iteyimaat, waawaach chistikwaaniyaapiiwaauh chii achihtaakanuu e tahtwaapekahkwaau. Ekaawii maak kushtaachikw wesh yaapach chiyawaau uste chititeyihtaakusinaawaau e kanawaapamitakw Chishemanituu ishpishaat e mihchetitwaau piyeshiishach.”

“Ekaawii sechisikw, e chikawaashishiyekw, wesh Kuuhtaawaau kihchikiishikuhch kaa ihtaat naashch taapwe naheyihtamihiikuu chechii miitaakw uchisheuchimaawin.

Maamituneyimach maa kaahkaachuuch, namui nihtauchihtaauch chekwaayuu kaye namui maauchihtaauch miichimiyuu, namui ushihtaauch ashtaasunikamikw maak teshipitaakan anit che ashtaatwaau umiichimuwaau yaapach maak Chishemanituu ashamikuuch. Chiyawaau maak etituu mistahii chititeyihtaakusinaawaau ishpishaat anichii piyeshiishach.

“Ekaawii maak muush chika uhchi maamituneyihtamihiikunaawaau chekwaan che miichiyekw kaye chekwaan che minihkweyekw.

Wesh Chishemanituu nihtaauchihtaau mashkushuu che miyunaakuhch aschii. An mashkushuu e miyunaakuhch anuhchiish kaa chiishikaach, waapahche shaash kata chii pashteuh. Ekw maak taapwe Chishemanituu nehtaauchihtaakwe mashkushuu chechii uhchi miywaashich aschii cheshtinaash chika chii ihtuutamaakuwaau chechii miitaakw chekwaayuu che chichishkamuwekw. Taapwe kaa apishaashich chitaapwehtamuwinawaau.”

Wesh an chekwaan ekaa kaa nuukuhch chika nuukuhtaakanuu anite e waashtech. Misiwe chekwaan chiimuut kaa ihtuutaakanuuhch chika chischeyihtaakun.