Popular Bible Verses from Luka 5

Share

Nang Yesu ntyak tyiet á̱kpa á̱niet ka A̱lyiat A̱gwaza na a̱ni, a̱ si̱ nyia̱ ma̱ng Siman, “Bu yuut kukwon a̱wak hu nat ndyo ma̱ a̱tsuung jok wu. A̱wot nyi koot á̱ka̱li nyin na a̱ja, nyi ka mbwoi fa̱n hu.”

Siman si̱ nwuak gu shim nyia̱, “Kwot A̱tyoli! Zi̱ hyai ta̱m ntyak a̱tyetuk ka, da̱ nzi̱t zi̱ bwoi fa̱n bah! A̱wot ka̱ a hyia̱ a̱nia, n bu na koot á̱ka̱li na!” Nang ba̱ nkoot á̱ka̱li na a̱ni, ba̱ si̱ bwoi fa̱n ma̱ a̱di̱di̱t! Ku si̱ hyaai á̱ka̱li na. A̱wot á̱ka̱li na si̱ nwuo chak!

A̱wot Yesu ni̱ tyia̱ ghyuai a̱ doot kuzang jen a̱ nat da̱ a̱vwuo nang a̱yin nshya̱ a̱ni bah. A̱ si̱ naai A̱gwaza a̱ja.

N bai n gyei á̱niet ba̱ fa ba̱ yet a̱tsotswat bya a̱ni bah. Da̱ a̱kwonu a̱kya, n bai ngyei á̱niet ba̱ lyen nang ba̱ ngyet á̱niet á̱ka̱tuk nyia̱ bya a̱ni, a̱wot ba̱ ka ghwon a̱ka̱tuk nyia̱ mba wu, ba̱ khwi A̱gwaza.”

Nang Siman Bitut ndi a̱nia a̱ni, a̱ si̱ kpaat a̱khwukhwut a̱zaghyi Yesu nyia̱, “Ka̱t A̱tyoli! Doot a ghwon nung, n gyet a̱tyu a̱ka̱tuk nyia̱ wa ba̱t! N maai n bai kpa̱mkpaan ma̱ng a̱nwan bah.”

Yesu si̱ nwuak ba shim nyia̱, “Á̱niet ba̱ swan ka̱nka̱ra̱ng a̱ni, ba̱ ni̱ chat a̱tyu kan bah. Á̱niet nzwán bya ni̱ chat a̱tyu kan wu.

A̱wot nang ba̱ ngyuut a̱kukwon a̱wak ba á̱ nat ndyo, á̱ si̱ sak di̱ khwong a̱gba̱ndang jok hu a̱ni; ba̱ si̱ ghwon kuzang kyang a̱ja, ba̱ si̱ khwi Yesu.

Jen nang Yesu nshya̱ ma̱ a̱keang a̱ghyang a̱ni, a̱ si̱ tyia̱ gba̱ng ma̱ng a̱tyok a̱ghyang nang gbap ya gu ba̱t a̱ni. Nang a̱tyu a̱wa ndi Yesu a̱ni, a̱ si̱ totong a̱ghyi nggu ba a̱byin, a̱ si̱ naai Yesu nyia̱, “A̱tyoli, ma̱sa̱kut, ka̱ a shim, a tyia̱ nung n choot, n bu ndi za̱za̱rak.” Yesu si̱ neap bwak, a̱ si̱ mbyiam gu nyia̱, “N shim, da̱ choot!” Mi̱ di̱ yong a̱hwa, a̱tyu gbap wu si̱ kin choot! Vam nggu hu si̱ tyia̱ za̱za̱rak.

A̱mgba̱m ma̱ng a̱nia, nkhang chet nang Yesu nchoot á̱niet ba a̱ni, si̱ kai kuzang a̱vwuo ma a̱nggang. A̱wot á̱kpa á̱niet si̱ bai da̱nian ba̱ ka fa̱k A̱lyiat A̱gwaza na da̱ a̱vwuo nggu; a̱ bu choot ba nzwán mba ji.