Popular Bible Verses from Noo Mian 4

Share

Agh dreggyr eshyn, gra, Te scruit, Cha nee liorish arran ny lomarcan nee dooinney beaghey, agh liorish dy chooilley ockle ta cheet magh ass beeal Yee.

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Dooyrt Yeesey rish, Te scruit myrgeddin, Cha jean oo yn Chiarn dty Yee y violaghey.

Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh‐spyrryd. As tra v’eh er drostey da‐eed laa as da‐eed oie v’eh ny lurg shen accryssagh.

As dooyrt eh roo, Eiyr‐jee orrym’s, as neem’s shiu nyn eeasteyryn dy gheiney. As chelleeragh daag ad nyn lieenteenyn, as deiyr ad er.

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.